| e-texts navigator |
| Wylie |
418a1 རྩེ་གཏོགས་པར་བརྒྱད་དུ་བསྟན་པ་ནི་ལམ་ཡན་ལག་བརྒྱད་པ་རྗེས་སུ་བསྟན་པར་བྱ་བ་དང་། རྣམ་པར་ཐར་པ་བརྒྱད་ཐོབ་པར་བྱ་བ་དང་། མི་ཁོམ
418a2 པ་བརྒྱད་ཡོངས་སུ་བསལ་བའི་ཕྱིར་རྣམ་པ་བརྒྱད་བསྟན་པ་ཡིན་ནོ། །འཁར་གསིལ་གྱི་དོན་མདོར་བསྟན་པ་དེ་ལྟ་བུ་ཡིན་པས་ཁྱེད་ཀྱིས་ལེགས་པར་ཡོངས་སུ
418a3 གཟུང་བར་བྱའོ། །བཅོམ་ལྡན་འདས་ལ་འོད་སྲུང་གིས་གསོལ་པ། བཅོམ་ལྡན་འདས། འཕགས་པའི་གསུང་རབ་ལ་ཇི་སྐད་བསྟན་པ་བཞིན་དུ་འཚལ་ལོ་ཞེས་གསོལ
418a4 ཏོ|་|དེ་ནས་འོད་སྲུང་ཆེན་པོས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དུས་གསུམ་གྱི་དེ་བཞིན་གཤེགས་པ་རྣམས་ཀྱི་ཆོས་ཀུན
418a5 མཚུངས་པ་ཞིག་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཁ་ཅིག་འཁར་བ་མཚུངས་ཀྱང་སྤྱོད་པ་མི་མཚུངས་པས་ཁ་ཅིག་ཚེ་ན་ནི་བཞི་སྒྲིལ་དུ་བྱས
418a6 པའོ། །ཁ་ཅིག་གི་ཚེ་ན་ནི་ཉིས་སྒྲིལ་དུ་བྱས་པ་སྟེ། སིལ་སྒྲིལ་གྱི་གྲངས་ལ་ནི་བྱེ་བྲག་ཏུ་གྱུར་པ་མེད་དོ། །ང་ནི་དེང་འདིར་བཞི་སྒྲིལ་སིལ་སྒྲིལ་བཅུ་གཉིས་སུ་བྱས
418a7 པའི་བསྟན་པ་དེ་སྤྱོད་དོ། །གཉིས་སྒྲིལ་དུ་བྱས་པ་ནི་དེ་བཞིན་གཤེགས་པ་འོད་སྲུང་གིས་རྣམ་པར་བཞག་པ་ཡིན་ཏེ། སེམས་ཅན་རྣམས་བདེན་པ་གཉིས་པོ་ཀུན
iiif viewer powered by OpenSeadragon
