| e-texts navigator |
| Wylie |
417a1 བྱེད་པའི་ཕྱིར་ལམ་གྱི་ཆོས་ལ་ཕྱོགས་པའི་རྒྱལ་མཚན་ཞེས་བྱའོ། །རྗེས་སུ་དྲན་པའི་རྣམ་པར་བཞག་པའི་དོན་གྱི་སྤྱོད་པ་ཞེས་བྱ་བ་ནི་འཁོར་བ
417a2 འདི་རིམ་པ་གསུམ་དང་ལྡན་པར་དུམ་བུ་གསུམ་གྱི་རིམ་པ་མཐོང་བ་ཉིད་ཀྱིས་ངན་སོང་གསུམ་གྱི་སྡུག་བསྔལ་རྗེས་སུ་དྲན་ནས་ཚུལ་ཁྲིམས་དང་། ཏིང་ངེ་འཛིན་དང་།
417a3 ཤེས་རབ་སྒོམ་པར་བྱེད་པ་དང་། གནོད་པ་གསུམ་པོ་རྒ་བ་དང་། ན་བ་དང་། འཆི་བ་རྗེས་སུ་དྲན་ན་དུག་གསུམ་པོ་འདོད་ཆགས་དང་། ཞེ་སྡང་དང་། གཏི་མུག་ཡོངས་སུ
417a4 སིལ་བར་བྱེད་པ་དང་། ཁམས་གསུམ་པོ་དག་མི་རྟག་པ་ཡིན་པ་ཉིད་དུ་རྗེས་སུ་དྲན་ནས་དཀོན་མཆོག་གསུམ་ལ་མངོན་པར་ཡིད་ཆེས་ཤིང་གུས་པ་དང་། སྲིད་པ
417a5 གསུམ་བསལ་བ་དང་། དག་པ་གཙང་བ་དང་། ལས་རྣམ་གསུམ་རྣམ་པར་སྤྱད་པ་དང་། རིག་པ་གསུམ་དང་ལྡན་པར་འདོད་པ་དང་། རྣམ་པར་ཐར་བ་གསུམ་ལ་འཇུག
417a6 པ་དང་། རྗེས་སུ་དྲན་པ་དྲུག་གི་གནས་གསུམ་ཐོབ་པ་དང་། ཡེ་ཤེས་ཐག་རིང་དུ་བྱེད་པ་གསུམ་རྟོགས་པར་འགྱུར་བའི་ཕྱིར་དུམ་བུ་གསུམ་རིམ་པར་རྣམ་པར་བཞག
417a7 པ་ཡིན་ནོ། །གཞན་ཡང་། བཞི་སྒྲིལ་དུ་བྱས་པ་ནི་སྐྱེ་བ་རྣམ་པ་བཞི་ཡོངས་སུ་བཅད་པ་དང་། བདེན་པ་བཞི་རྗེས་སུ་དྲན་པར་བྱ་བ་དང་། ཚད་མེད་པ་བཞི་སྒོམ་པ་དང་།
iiif viewer powered by OpenSeadragon
