| e-texts navigator |
| Wylie |
416a1 ཡོན་ཏན་གྱི་འཁར་བ་ཞེས་བྱའོ། །འཁར་གསིལ་འདི་ཡོངས་སུ་འདི་འཛིན་པ་གང་ཡིན་པ་དེ་དག་ནི་གང་གི་སྤྱོད་པ་རྣམ་པ་བཅུ་དྲུག་པོ་འདི
416a2 ལྟ་སྟེ། བདེན་པ་བཞི་པོ་སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་དང་། ཚད་མེད་པ་བཞི་པོ་བྱམས་པ་དང་། སྙིང་རྗེ་དང་། དགའ་བ་དང་།
416a3 བཏང་སྙོམས་དང་། བསམ་གཏན་བཞི་པོ་བསམ་གཏན་དང་པོ་དང་། བསམ་གཏན་གཉིས་པ་དང་། བསམ་གཏན་གསུམ་པ་དང་། བསམ་གཏན་བཞི་པ
416a4 དང་། གཟུགས་མེད་པའི་སྙོམས་པར་འཇུག་པ་བཞི་པོ་ནམ་མཁའ་མཐའ་བྱས་སྐྱེ་མཆེད་དང་། རྣམ་ཤེས་མཐའ་བྱས་སྐྱེ་མཆེད་དང་། ཅིའང་མེད་པའི་སྐྱེ
416a5 མཆེད་དང་། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་ཕུན་སུམ་ཚོགས་པ་དང་། གཞན་ཡང་། སྤྱོད་པ་སུམ་ཅུ་རྩ་བདུན་པོ། འདི་ལྟ་སྟེ། བྱང་ཆུབ་ཀྱི
416a6 ཕྱོགས་ཀྱི་ཆོས་སུམ་ཅུ་རྩ་བདུན་ཕུན་སུམ་ཚོགས་ཤིང་ཆོས་དེ་དག་གསལ་བར་རྣམ་པར་བྱེད་པ་དང་། བདག་ཉིད་ཀྱི་ལུས་ཀྱིས་མངོན་སུམ་དུ་བྱས་པས་སྒྲའི
416a7 རྗེས་སུ་མི་འབྲང་བ་དང་། ཆོས་དེ་དག་ལ་བདག་ཉིད་རྣམ་པར་རྩེན་པ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་རྣམ་པར་ཐར་པའི་སྒོར
iiif viewer powered by OpenSeadragon
