| e-texts navigator |
| Wylie |
415a1 རབ་ཏུ་སྤོང་བར་འགྱུར་བའི་ཕྱིར་ང་རྒྱལ་མེད་པར་བྱེད་པ་ཞེས་བྱའོ། །འཁར་གསིལ་ཞེས་བྱ་བ་ནི་རྒྱང་བསྲིངས་པ་ཡིན་ཏེ། གང་འཁར་གསིལ
415a2 འདི་འཛིན་པའི་གང་ཟག་གང་ཡིན་པ་དེ་དག་འདོད་པ་ལྔ་ཐག་རིང་དུ་བྱེད་པས་དེ་དག་འདོད་པས་སྲེད་པའི་ཀུན་ནས་དཀྲིས་པ་སྤོང་བ་དང་། ཕུང་པོ་ལྔ་པོ་རྣམས་རྣམ
415a3 པར་འཐོར་བ་དང་། སྲིད་པ་ལྔ་པོ་དག་ཡོངས་སུ་སྤོང་བ་དང་། མྱ་ངན་ལས་འདས་པ་ལ་ཕྱོགས་ཤིང་འདུ་བྱེད་ཀྱི་ལས་ཀྱང་ཐག་རིང་དུ་སྤོང་བའི་ཕྱིར་རྒྱང་བསྲིངས
415a4 པ་ཞེས་བྱའོ། །འཁར་གསིལ་ཞེས་བྱ་བ་ནི་ལེན་པར་བྱེད་པ་ཡིན་ཏེ། གང་འཁར་གསིལ་འཛིན་པར་བྱེད་པ་དེ་དག་སངས་རྒྱས་རྣམས་ཀྱི་ཚུལ་ཁྲིམས་དང་། ཏིང་ངེ་འཛིན
415a5 དང་། ཤེས་རབ་རིན་པོ་ཆེ་བླངས་པས་རྣམ་པར་གྲོལ་བ་ཐོབ་པར་འགྱུར་བའི་ཕྱིར་ལེན་པར་བྱེད་པ་ཞེས་བྱའོ། །འཁར་གསིལ་ཞེས་བྱ་བ་ནི་ཡོངས་སུ་གྲུབ་པར་འགྱུར་བ
415a6 ཡིན་ཏེ། གང་འཁར་གསིལ་འཛིན་པ་དག་སངས་རྒྱས་ཀྱི་ཆོས་ཀྱི་སྡེ་སྣོད་མངོན་པར་གྲུབ་པ་དང་། ཇི་ལྟར་བསྟན་པ་བཞིན་དུ་བསྒྲུབས་པས་མ་ཉམས་པར་ཕུན་སུམ
415a7 ཚོགས་པར་འགྱུར་བའི་ཕྱིར་མངོན་པར་འགྲུབ་པར་འགྱུར་བ་ཞེས་བྱའོ། །བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་། འཁར་གསིལ་ཞེས་བྱ་བའི་ཡི་གེའི
iiif viewer powered by OpenSeadragon
