| e-texts navigator |
| Wylie |
394a1 ཞིག་ལགས། །འདི་ན་མཚོན་དུ་ཅི་རྣོ་ལགས། །བཅོམ་ལྡན་འདས་ཀྱིས་བཀའ་སྩལ་པ། བདག་གིས་གང་བྱིན་ཟིན་པ་ཡིན། །ཁྱིམ་དུ་གང་བཞག་འདིར
394a2 བོར་ཡིན། །མི་ཤིགས་གོ་ཆ་བཟོད་པ་ཡིན། །འདི་ན་མཚོན་དུ་ཤེས་རབ་རྣོ། །ལྷས་གསོལ་པ། ཆོམ་རྐུན་ཞེས་བགྱི་དེ་གང་ལགས། །དམ་པ་རྣམས་ཀྱི་ནོར་གང་ལགས། །
394a3 ལྷ་དང་བཅས་པའི་འཇིག་རྟེན་ན། །བསླུས་ཤེས་བགྱི་བ་གང་དག་ལགས། །བཅོམ་ལྡན་འདས་ཀྱིས་བཀའ་སྩལ་པ། །རྣམ་རྟོག་ཆོམ་རྐུན་མཁས་པ་ཡིན། །ཚུལ་ཁྲིམས་དམ
394a4 པ་རྣམས་ཀྱི་ནོར། །གང་དག་ཚུལ་ཁྲིམས་ལོག་ལྷུང་བྱས། །དེ་དག་འཇིག་རྟེན་བསླུས་པ་ཡིན། །ལྷས་གསོལ་པ། །བདེ་ཞེས་བགྱི་བ་དེ་གང་ལགས། །དབང་ཕྱུག་དམ་པ་དེ
394a5 གང་ལགས། །རྟག་ཏུ་རྣམ་པར་བརྒྱན་པ་གང་། །མཐོ་བ་ཙམས་གང་ལགས་བཀའ་སྩལ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །འདོད་ཆུང་བདེ་བར་ཤེས
394a6 པར་བྱ། །ཆོག་ཤེས་དབང་ཕྱུག་དམ་པ་ཡིན། །ཁྲིམས་ལྡན་རྟག་ཏུ་རྣམ་པར་བརྒྱན། །ཚུལ་ཁྲིམས་ཉམས་པ་མཐོ་བ་ཙམས་ཡིན། །ལྷས་གསོལ་པ། རྩ་ལག་མཉེས
394a7 གཤིན་དེ་གང་ལགས། །བསམ་པ་སྡང་བའི་དགྲ་གང་ལགས། །སྡུག་བསྔལ་མི་བཟད་དེ་གང་ལགས། །མཆོག་ཏུ་བདེ་བ་དེ་གང་ལགས། །བཅོམ་ལྡན་འདས་ཀྱིས
iiif viewer powered by OpenSeadragon
