| e-texts navigator |
| Wylie |
393b1 ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དགའ་བོ་རབ་ཏུ་བྱུང་བའི་མདོ་རྫོགས་སོ།། །།རྩ་ངས་དེ་བེནྡྲ་རཀྵི་ཏས་ཞུས་ཆེན་བགྱིས་པ།། །།རྒྱ་གར་སྐད
393b2 དུ|་དེ་བ་ཏཱ་སཱུ་ཏྲ། བོད་སྐད་དུ། ལྷའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས
393b3 མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་མཚན་མོ་མི་ཉལ་ཙམ་ན་ལྷ་མདོག་བཟང་པོ་ཞིག་བཅོམ་ལྡན་འདས་ག་ལ
393b4 བ་དེར་སྲོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ། ཕྱོགས་གཅིག་ཏུ་འདུག་གོ། དེ་ནས་ལྷ་དེའི་མཐུས་རྒྱལ་བྱེད་ཀྱི་ཚལ་ཐམས་ཅད
393b5 སྣང་བ་ཆེན་པོས་ཁྱབ་པར་གྱུར་ཏོ། །དེ་ནས་དེའི་ཚེ་ལྷ་དེས་ཚིགས་སུ་བཅད་པ་འདི་དག་གསོལ་ཏོ། །མཚོན་ཆ་རྣོན་པོ་དེ་གང་ལགས། །ཧ་ལ་ཧ་ལའི་དུག་གང་ལགས། །རབ་ཏུ
393b6 འབར་བའི་མེ་གང་ལགས། །མུན་པ་རབ་གང་དེ་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཚིག་རྩུབ་མཚོན་ཆ་རྣོན་པོ་ཡིན། །འདོད་ཆགས་ཧ་ལ་ཧ་ལའི་དུག།
393b7 ཞེ་སྡང་རབ་ཏུ་འབར་བའི་མེ། །མུན་པ་རབ་གནག་མ་རིག་པའོ། །ལྷས་གསོལ་པ། མི་ཡིས་ཟིན་པ་དེ་གང་ལགས། །གང་འདིར་པོར་བ་དེ་གང་ལགས། །མི་ཤིགས་གོ་ཆ་ཅི
iiif viewer powered by OpenSeadragon
