| e-texts navigator |
| Wylie |
392b1 སྟེ|་ཆོས་གོས་དང་། བསོད་སྙོམས་དང་། མལ་སྟན་དང་། ནད་ཀྱི་གསོས་སྨན་དང་། ཡོ་བྱད་རྣམས་ཀྱིས་བསྙེན་བཀུར་བྱེད་ན། དགའ་བོ། དེ་ནི་རབ་ཏུ་བྱུང་བར་ངེས་པར་འབྱུང་བའི
392b2 སེམས་ཀྱི་བཅུ་དྲུག་གི་ཆར་ཡང་མི་ཕོད་དོ། །དགའ་བོ་ཁྱོད་ཀྱིས་རབ་ཏུ་བྱུང་། །དལ་བ་ཤིན་ཏུ་རྙེད་དཀའ་སྟེ། །དགའ་བོ་སྟོན་པ་མངོན་གྱུར་པ། །ངལ་མི་མཉེས་མ་བྱེད་ཅིག་།
392b3 དགའ་བོ། དཔེར་ན། ས་ཆེན་པོ་འདི་ཆུ་གཅིག་པུར་རྒྱ་མཚོར་གྱུར་ལ། དེ་ན་རུས་སྤལ་ཞར་བ་གཅིག་ཀྱང་ཡོད། དེ་ན་གཉའ་ཤིང་བུག་གཅིག་པ་གཅིག་ཀྱང་རྒྱ་ལ་རུས་སྤལ
392b4 ཞར་བ་དེ། འདི་སྐད་དུ། གཉའ་ཤིང་གི་བུ་ག་དེར་མགྲིན་པ་ཆུད་པར་བྱའོ་སྙམ་དུ་སེམས་སྐྱེ་ཞིང་། གཉའ་ཤིང་བུ་ག་ཅན་དེའང་རླུང་གིས་བསྐྱོད་ནས་ཕྱོགས་ཕྱོགས་སུ་རྒྱུག་པར
392b5 བྱེད་པ་ན། དགའ་བོ། བརྒྱ་ལ་རྐྱེན་ཞིག་གིས་རུས་སྤལ་ཞར་བ་དེའི་མགྲིན་པ་གཉའ་ཤིང་གི་བུ་ག་དེར་འཇུག་པར་འགྱུར་གྱི། དགའ་བོ། མི་ཉིད་ཐོབ་པ་ནི་མ་ཡིན་ནོ། །དལ་བ
392b6 ཡུན་སུམ་ཚོགས་པའང་དེ་བཞིན་ནོ། །དགའ་བོ། ཁྱོད་ཀྱིས་མི་ཉིད་ཤིན་ཏུ་རྙེད་པ་དཀའ་བ་དང་། བདེ་བཞིན་དུ་དལ་བ་ཕུན་སུམ་ཚོགས་པའང་རྙེད་ན། དགའ་བོ། ཁྱོད་ཀྱིས་རབ
392b7 ཏུ་བྱུང་། །དལ་བ་ཤིན་ཏུ་རྙེད་དཀའ་རྙེད། །དགའ་བོ་སྟོན་པ་མངོན་གྱུར་ན། །ང་ལ་མི་མཉེས་མ་བྱེད་ཅིག། དཔེར་ན། འགའ་ཞིག་གིས་ཁབ་ཀྱི་མིག་གནམ་དུ་བསྟན་ཏེ་ཡུངས
iiif viewer powered by OpenSeadragon
