| e-texts navigator |
| Wylie |
391b1 པ་ཡིན་ནོ། །ཉོན་མོངས་པའི་དགྲ་འཇོམས་པར་བྱེད་པ་རྣམས་ཀྱི་མཚོན་ཆ་ཡིན་ནོ། །ཕྱིར་མི་འོང་བ་རྣམས་མཆོག་ཏུ་རྒྱལ་བར་བྱེད་པ་ཡིན་ནོ། །གནས་མེད་པ་རྣམས་ཀྱི་གནས་སོ། །
391b2 སྐྱོ་བ་པ་མེད་པ་རྣམས་ཀྱི་སྐྱེ་བ་པ་ཡིན་ནོ། །འཇིགས་པས་འབྲེལ་བ་རྣམས་ཀྱི་མི་འཇིགས་པར་བྱེད་པ་ཡིན་ནོ། །སྐྱབས་མེད་པ་རྣམས་ཀྱི་སྐྱབས་ཡིན་ནོ། །སྡུག་བསྔལ་རྣམས་ཀྱི་བདེ
391b3 བའི་ཡོ་བྱད་ཡིན་ནོ། །འཁོར་བའི་འཆིང་བས་བཅིངས་པ་རྣམས་འགྲོལ་བར་བྱེད་པ་ཡིན་ཏེ། །དགའ་བོ། དེ་ནི་རབ་ཏུ་བྱུང་བ་ཞེས་བྱའོ། །ལྷ་དང་། མི་རྣམས་ཀྱིས་བཀུར་སྟི་བྱས་པ
391b4 ཡིན་ནོ། །མིའི་དབང་པོ་རྣམས་ཀྱིས་མཆོད་པ་ཡིན་ནོ། །སངས་རྒྱས་ཐམས་ཅད་ཀྱི་དགོངས་པ་ཡིན་ནོ། །ཁྱིམ་གྱི་གནས་ཡོངས་སུ་གཏོང་བ་ཡིན་ནོ། །མྱ་ངན་ལས་འདས་པའི་ལམ
391b5 འདྲན་པ་ཡིན་ནོ། །སྐྲའི་ཁུར་འདྲེག་པ་ཡིན་ནོ། །གོས་དུར་སྨྲིག་ནི་འདོད་ཆགས་དང་བྲལ་བའི་རྟགས་ཡིན་ནོ། །རིགས་པ་ལ་བརྩོན་པ་བརྩོན་འགྲུས་ཀྱི་ཞིང་ཡིན་ནོ། །འདི་ནི་དྲང
391b6 སྤོང་རྣམས་ཀྱི་རྒྱལ་མཚན་ཡིན་ནོ། །བདུད་སྡིག་ཏོ་ཅན་རྣམས་ཀྱི་གྲགས་པ་འཇོམས་པ་ཡིན་ནོ། །ལྷ་དང་། མི་རྣམས་རབ་ཏུ་དགའ་བར་བྱེད་པ་ཡིན་ཏེ། དགའ་བོ། རབ་ཏུ་བྱུང་བ
391b7 ནི་དེ་ལྟ་བུ་ཡིན་ན་ཅིའི་ཕྱིར་རབ་ཏུ་མི་འབྱུང་། དགའ་བོ། རབ་ཏུ་བྱུང་བ་ནི་འཁོར་ལོས་བསྒྱུར་བའི་རྒྱལ་སྲིད་ཀྱི་བདེ་བ་བས་ཀྱང་ཆེས་ཁྱད་པར་དུ་འཕགས་པར་བདེ་བ་ཡིན་ན།
iiif viewer powered by OpenSeadragon
