| e-texts navigator |
| Wylie |
319a1 མཁས་པས་ཤེས་རབ་ལྡན་གྱུར་པ། །གང་ཡིན་དེ་ནི་ཐམས་ཅད་བཟོད། །རྡོ་བ་བསྲེགས་ཀྱང་འཇུ་མི་འགྱུར། །ཆར་པ་བབ་ཀྱང་འཇིག་པ་མེད། །དེ་བཞིན
319a2 བདེ་དང་སྡུག་བསྔལ་གྱིས། །མཁས་པ་ཉམས་པར་འགྱུར་བ་མེད། །གང་ཞིག་བདེན་པས་གཤེ་བྱེད་པ། །དེ་ལ་མཁས་པས་བཟོད་པར་བྱེད། །བདེན་པ་མ་ཡིན་པ་ཡང་བཟོད།།
319a3 དེ་ལས་གཞན་པ་བསྟན་དུ་མེད། །འདི་ལྟར་སྐྱེས་བུ་མཁས་པ་ནོར་གྱི་ཕྱིར། །སྡུག་བསྔལ་བཟོད་བྱ་བཟོད་པར་འགྱུར་བར་བྱ། །གལ་ཏེ་མི་བཟོད་མྱ་ངན་རྣམ་སྤངས་ཏེ། །
319a4 གཞན་དུ་སོང་ན་སྟོང་ཕྲག་རྙེད་དང་འདྲ། །ཡལ་ག་སྙེགས་ལ་འཇུ་བར་མི་བྱ་ཞིང་། །ཆགས་བྲལ་སེམས་ལ་ཆགས་པར་མི་བྱ་སྟེ། །བཟང་ཞིང་སྡུག་པས་ས་སྟེང་གང་བས་ན། །
319a5 འཇིག་རྟེན་ཡངས་པ་གཞན་དུ་འགྲོར་ཟད་མོད། །གང་ན་བརྙས་བྱེད་བཀུར་སྟི་མི་བྱེད་དང་། །སྨོད་པར་བྱེད་ཅིང་བསྟོད་པར་མི་བྱེད་ན། །མཁས་དང་བླུན་འགྲོགས་ཆེད་ཀ་མི་ཆེ
319a6 བས|་|རང་རྒྱལ་བཞིན་དུ་མི་སྨྲ་དེ་འགྲོ་རིགས། །གང་ན་སྐྱེས་བུ་འཐབ་ལ་དགའ་གྱུར་ནས། །གཡོ་སྒྱུའི་བསམ་ལྡན་རྟག་ཏུ་གླགས་ཀྱང་བྱེད། །ཀྱལ་པ་དབྱེན་རྫུན་ཚིག་རྩུབ་སྨྲ
319a7 བྱེད་པ། །དེ་ཚེ་མཁས་པ་མྱུར་དུ་ཡུལ་གཞན་སོང་། །གང་ན་མི་རྣམས་འཚོ་བར་བྱེད་གྱུར་ནས། །ཕན་ཚུན་གནོད་ལ་འབེབས་པར་དགའ་བ་དང་། །ལུས་དང་ངག་ཡིད་སྡོམ
iiif viewer powered by OpenSeadragon
