| e-texts navigator |
| Wylie |
318b1 དུ་གྱུར་པར་མི་བྱའོ། །རེས་འགའ་དགའ་བའི་གླུ་དང་སིལ་སྙན་གྱིས། །རྩེ་ཞིང་ཤ་དང་ཆང་ཡང་སྤྱད་པར་བྱ། །རེས་འགའ་རི་དྲགས་ལྟ་བུར་འཇིགས་བཞིན་སོང་། །དུས་སུ་གཅན
318b2 ཟན་བཞིན་དུ་ཉམས་རྩལ་བསྟན། །དང་པོར་དུས་དང་དུས་མིན་དང་། །བདག་ཉིད་སྟོབས་ལྡན་སྟོབས་མེད་དང་། །དར་དང་རྒུད་པ་བརྟགས་ནས་སུ། །དེ་ནས་དོན་རྣམས་ལེགས་པར
318b3 བརྩམ། །བཟོད་མེད་རྣམས་ལ་བཟོད་པ་དང་། །བཟོད་ལྡན་རྣམས་ལའང་བཟོད་པར་གྱིས། །ཉམ་ཆུང་རྣམས་ལའང་བཟོད་པ་དང་། །སྟོབས་ལྡན་རྣམས་ལ་རྟག་བཟོད་གྱིས། །
318b4 འཁོན་གྱིས་འཁོན་ཞིར་ནམས་ཀྱང་མི་འགྱུར་བས། །བཟོད་མེད་རྣམས་ལའང་བཟོད་པར་བྱས་ན་ལེགས། །ཁྲོས་པ་རྣམས་ལ་རྟག་ཏུ་དད་པ་དང་། །གཞན་གྱི་སྐྱོན་རྣམས་རྟག
318b5 ཏུ་བཅབ་པར་གྱིས། །གཙོ་བོ་རྣམས་ཀྱི་ཚིག་ནི་འཇིགས་ཕྱིར་དང་། །འཐབ་ཟླའི་ཚིག་དག་འཐབ་གཅུགས་གྱུར་ཕྱིར་བཟོད། །གང་ཞིག་འོག་མའི་ཚིག་དག་བཟོད་བྱེད་པ། །དེ་ནི
318b6 བཟོད་པའི་མཆོག་ཅེས་དམ་པས་གསུངས། །གཤེ་དང་གྱ་ཚོམ་སྨྲ་བ་དང་། །ཚིག་ངན་སྨྲ་བར་བྱེད་པ་ལ། །བློ་གྲོས་ཆུང་དུ་མི་བཟོད་དེ། །པདྨ་ལ་ནི་རྡོ་ཆར་བཞིན། །གཤེ་དང
318b7 གྱ་ཚོམ་སྨྲ་བ་དང་། །ཚིག་ངན་སྨྲ་བར་བྱེད་པ་ལ། །མཁས་པ་ཤིན་ཏུ་བཟོད་བྱེད་དེ། །གླང་ཆེན་མེ་ཏོག་ཆར་པ་བཞིན། །ཁྲོ་བ་དང་ནི་རྫུན་དག་དང་། །ཚིག་ངན་སྨྲ་བར་བྱེད་པ་ལ། །
iiif viewer powered by OpenSeadragon
