| e-texts navigator |
| Wylie |
317b1 ལེགས་བུས་ན། །ཤིན་ཏུ་རབ་ཏུ་འབར་འགྱུར་ཏེ། །རྩཝ་དང་ཤིང་དེ་བསྲེགས་ནས་སུ། །ཆེན་པོར་མཆེད་ཅིང་འབར་བ་ཡིས། །རྩཝ་དང་གེལ་བ་མང་པོ་དག་།ལྗོན་ཤིང་ཆེན་པོ
317b2 སྲེག་པ་ལྟར། །དེ་བཞིན་རྣམ་རྟོག་བུད་ཤིང་ལས། །བྱུང་བའི་ཁྲོ་བ་མེ་འདྲ་བས། །བདག་ཉིད་དང་ནི་གཞན་དག་ལ། །ཕུང་ཁྲོལ་ཆེན་པོ་བྱེད་པར་འགྱུར། །དེ་ཕྱིར་ཁྲོ་བ་བྱུང་བ་ན། །
317b3 ཞེ་སྡང་གཉེན་པོར་གྱུར་པ་ཡི། །བྱམས་པའི་སེམས་ལ་བསྒོམས་ནས་སུ། །མཁས་པ་རྣམས་ཀྱིས་ཟློག་པར་བྱེད། །བསྟོད་པ་བྱས་ན་མཛའ་བྱེད་ལ། །མ་བསྟོད་མཛའ་བར་མི་བྱེད
317b4 ཅིང་། །མོད་ལ་ཡོངས་སུ་སྤོང་བྱེད་པ། །དེ་ནི་བྱིས་པའི་མཚན་ཉིད་ཡིན། །གལ་ཏེ་འདི་ན་བྱིས་པ་དག་།སྒྲོ་གཤོག་བཏོགས་པའི་བྱ་ལྟ་བུར། །བློ་སྤངས་ཤེས་རབ་མ་འཆལ་ན། །
317b5 མཁས་པ་ཇི་ལྟར་འཚོ་བར་འགྱུར། །གང་ཕྱིར་བྱིས་པ་ཕལ་ཆེར་ནི། །བློ་གྲོས་སྤངས་ཤིང་ཤེས་འཆལ་བ། །དེ་ཕྱིར་མཁས་པ་ཤེས་རབ་ཅན། །ཁྱད་པར་དུ་ནི་བདེ་བར་འཚོ། །
317b6 མཁས་པ་ནོར་རྙེད་དགའ་བར་མི་འགྱུར་ལ། །ཕོངས་པར་གྱུར་ཀྱང་མི་འཁྲུལ་འཁྲུག་པ་མེད། །རྗེས་སུ་བཟུང་ཕྱིར་ཕན་པ་དེ་སྨྲ་ན། །ལེགས་སྨྲ་ཡིན་ཞེས་གཞན་གྱིས་ཅིས་མི
317b7 རྟོགས|་|མཁས་པ་གཟུ་ལུམས་མེད་པར་གྱུར་པ་དེ། །དེ་ཉིད་དཔྱད་པ་ལེགས་པར་མཉན་ནས་སུ། །དེ་ལྟར་རྣམ་པར་བསམས་ནས་རང་དོན་དང་། །གཞན་གྱི་དོན་དག་ལེགས
iiif viewer powered by OpenSeadragon
