| e-texts navigator |
| Wylie |
317a1 ཚིག་རྩུ་བ་དང་། །དབྱེན་དང་ཁྱལ་པ་སྨྲ་བའི་ཚེ། །ཁ་རོག་འདུག་དང་བདེ་བ་འཐོབ། །ཡ་རབས་ཚུལ་མེད་ཤིན་ཏུ་ཁེངས། །ང་རྒྱལ་གྱིས་ནི་འགྱིང་བ
317a2 དང་། །ཕྲག་དོག་བརྐམ་དང་ཚུལ་ཉམས་ཚེ། །ཁ་རོག་འདུག་དང་བདེ་བ་འཐོབ། །གང་ཚེ་མི་ཡི་རུས་རྣམས་དང་། །རིགས་རྣམས་ཤེས་པ་མ་ཡིན་པའི། །མི་དང་ལྷན
317a3 ཅིག་འདུག་པ་ན། །དེ་ཚེ་ང་རྒྱལ་བྱར་མི་རུང་། །གཞན་གྱི་ཡུལ་ན་འདུག་པ་དང་། །གཞན་གྱི་འཚོ་བས་འཚོ་བའི་ཚེ། །ཡུལ་གྱི་ཕྱིར་དང་བདེ་བའི་ཕྱིར། །གཞན་གྱིས་བརྙས
317a4 པ་དེ་བཟོད་བྱ། །གཞན་གྱི་ཡུལ་ན་གནས་པ་དང་། །གཞན་གྱི་འཚོ་བས་འཚོ་བའི་ཚེ། །སྡང་བས་འཁྲུག་པར་གྱུར་པ་ན། །གཞན་གྱིས་བརྙས་པ་དེ་བཟོད་བྱ། །གཞན་གྱི་ཡུལ
317a5 ན་འདུག་པ་དང་། །གཞན་གྱི་འཚོ་བས་འཚོ་བའི་ཚེ། །དམན་པས་བསྐྲད་པར་གྱུར་ཀྱང་རུང་། །ཤེས་རབ་ལྡན་པས་དེ་བཟོད་བྱ། །ཀྱེ་མ་ཡུལ་ལོག་བདག་གནས་ཤིང་། །མཛའ
317a6 བཤེས་ངན་དང་ཕྲད་པ་ན། །བྱིས་པ་རྣམས་དང་འགྲོགས་པ་ཡི། །གནས་སུ་མི་ངན་རྟེན་བྱེད་མེད། །ཤེས་རབ་ལྡན་པས་དེ་བསམས་ནས། །མི་ཤེས་མི་དང་འགྲོགས་བྱེད
317a7 ཀྱང་། །མཁས་པས་ནོར་དང་ལོངས་སྤྱོད་ཕྱིར། །གཟུ་ལུམས་ཁོ་ནར་ཁྲོ་མི་བྱ། །ཇི་ལྟར་ཐལ་བས་བཀབ་པའི་མེ། །རྩཝ་དང་ཤིང་གིས་གཡོགས་པ་ལ། །རླུང་རྣམས་ཀྱིས་ནི
iiif viewer powered by OpenSeadragon
