| e-texts navigator |
| Wylie |
316b1 གི་མི། །མི་མཆོག་རྣམས་ནི་བརྙས་ཐབས་བྱས་པའི་ཚེ། །ཆུང་མ་སྡུག་དང་ལོངས་སྤྱོད་རྒྱ་ཆེན་གཏོང་། །ངན་བ་རྣམས་ནི་དེ་ནའང་ཡོངས་སུ་འཁྱམ། །བརྙས་ཐབས་བྱས་པ་དེ
316b2 ཡང་ཆུ་བཞིན་འཐུང་། །དར་བ་རྙེད་པ་དགའ་བ་སྟེ། །རྒུད་པ་མེད་པ་ཡིན་པའི་ཕྱིར། །སེམས་ཅན་དམས་པར་གྱུར་པའི་ཚེ། །ཁ་རོག་འདུག་དང་བདེ་བ་འཐོབ། །གལ་ཏེ་ནོར་མེད
316b3 ཕྱོགས་ཉུང་ངམ། །མཛའ་བཤེས་ཕྱོགས་ཀྱི་སྟོབས་ཆུང་ངམ། །དགྲ་བོ་ཕྱོགས་ཀྱི་སྟོབས་ལྔན་ཚེ། །ཁ་རོག་འདུག་དང་བདེ་བ་འཐོབ། །མི་རྣམས་ཆོས་མིན་བྱེད་པ་དང་། །འདོད་པའི
316b4 ལོངས་སྤྱོད་མངོན་དགའ་ཞིང་། །དད་ཚུང་ངོ་ཚ་མེད་པའི་ཚེ། །ཁ་རོག་འདུག་དང་བདེ་བ་འཐོབ། །མི་རྣམས་ཁྲོ་བར་བྱེད་པ་དང་། །གནོད་སེམས་མང་པོར་གྱུར་པ་དང་། །གཞན
316b5 ལའང་གདུག་པའི་ཚུལ་ལྡན་ཚེ། །ཁ་རོག་འདུག་དང་བདེ་བ་འཐོབ། །མི་རྣམས་དད་པ་མེད་པ་དང་། །ཁྭ་བཞིན་མུ་ཅོར་སྨྲ་བ་དང་། །སྒྱུ་དང་གཡོ་དག་བྱེད་པའི་ཚེ། །ཁ་རོག་འདུག
316b6 དང་བདེ་བ་འཐོབ། །མི་རྣམས་ཚུལ་ཁྲིམས་འཆལ་བ་དང་། །གཏུམ་ཞིང་གཟུ་ལུམས་བྱེད་པ་དང་། །བདེན་པའི་ཆོས་དང་མི་ལྡན་ཚེ། །ཁ་རོག་འདུག་དང་བདེ་བ་འཐོབ། །མི་རྣམས
316b7 དང་ཚུལ་ངན་པ་དང་། །ལོག་པའི་ལྟ་བས་བཅོམ་པ་དང་། །གཏུམ་ཞིང་སྡང་བར་གྱུར་པའི་ཚེ། །ཁ་རོག་འདུག་དང་བདེ་བ་འཐོབ། །ངོ་ཚ་མེད་ཅིང་བརྫུན་དུ་སྨྲ། །དོན་མེད་ཕྲ་མ
iiif viewer powered by OpenSeadragon
