| e-texts navigator |
| Wylie |
314b1 རྫོགས་པའི་སངས་རྒྱས་ལྷ་ཡི་ལྷ། །དེ་བཞིན་གཤེགས་པ་བཞུགས་པ་ན། །དགེ་སློང་རྣམས་ནི་གཅིག་ལ་གཅིག་།ཁ་སྟོབས་ལ་སོགས་རྣམས་ཀྱིས་འགྱིང་། །དགེ་སློང་ཚིག་ངན
314b2 འདོན་པ་དང་། དྲང་སྲོང་ཆེན་པོས་གསན་པ་ན། །དེ་ཕྱིར་ཐུབ་པས་དགེ་འདུན་རྣམས། །བསྡུས་ནས་འདི་སྐད་བཀའ་སྩལ་ཏེ། །ཁྱེད་ཅག་ཁ་སྟོབས་ལ་སོགས་པས། །གཅིག
314b3 ལ་གཅིག་ནི་འཚེ་བྱེད་པ། །ཁྱིམ་ནས་ཁྱིམ་མེད་རབ་བྱུང་དང་། །དེ་དག་མཐུན་པ་མ་ཡིན་ནོ། །རྟག་ཏུ་ཡང་དག་དགའ་བྱེད་པའི། །ཆོས་དྲུག་གང་ཡིན་ལ་འཇུག་པ། །འདི་ནི་ཁྱིམ
314b4 ནས་ཁྱིམ་མེད་པར། །རབ་ཏུ་བྱུང་བ་རྣམས་དང་མཐུན། །སེམས་ཅན་ཀུན་ལ་སྙིང་བརྩེའི་ཕྱིར། །འཚེ་བ་མེད་པར་ངས་བསྒོམས་ནས། །ཇི་ལྟར་བྱང་ཆུབ་དོན་གཉེར་བ། །
314b5 དགེ་སློང་ང་ལས་འདི་ཉོན་ཅིག་།ཤེས་རབ་ལྡན་པའི་མི་ཡི་འདི། །ཐོས་ནས་སྡིག་པ་རྣམ་སྤོངས་ལ། །གྲུབ་དང་བདེ་བ་ཐོབ་བྱའི་ཕྱིར། །དགེ་བའི་ཆོས་ལ་སྤྱད་པར
314b6 གྱིས|་|སྔོན་གྱི་སྤུན་དྲུང་གྱུར་པ་ཡི། །ཀླུ་ཡི་རྒྱལ་པོ་གཉིས་བྱུང་བ། །གཅིག་གི་མང་ནི་རྔ་ཞེས་བྱ། །གཉིས་པ་ཉེ་རྔ་ཞེས་བྱའོ། །གཉིས་ཀ་སྲོག་གཅོད་ལས་ལྡོག་ཅིང་།།
314b7 ཚུལ་ཁྲིམས་ལྡན་ཞིང་དབང་ཆེན་གྲགས། །ཀླུ་ཡི་སྐྱེ་གནས་ལ་སྨོད་ཅིང་། །མི་ཡི་སྲིད་པ་འདོད་པར་གྱུར། །ཚུལ་ལྡན་མང་དུ་ཐོས་པ་ཡིས། །དགེ་སྦྱོང་བྲམ་ཟེ་མཐོང
iiif viewer powered by OpenSeadragon
