| e-texts navigator |
| Wylie |
314a1 ལྡན་པའི། །རྒྱལ་བ་ཀུན་ལ་ཕྱག་འཚལ་ལོ། །རྫོགས་སངས་གང་དུ་བལྟམས་པ་དང་། །གང་དུ་བྱང་ཆུབ་ལ་རེག་དང་། །ཞི་བའི་འཁོར་ལོ་བསྐོར་བ་དང་།
314a2 ཟག་མེད་མྱ་ངན་འདས་པ་དང་། །བདེ་གཤེགས་གང་དུ་བཞུགས་པ་དང་། །འཆག་པ་དང་ནི་བཞེངས་པ་དང་། །སེང་གེ་ལྟ་བུར་གཟིམས་པ་ཡི། །གནས་དེ་ལ་ནི་བདག་ཕྱག
314a3 འཚལ། །སྟེང་དང་འོག་དང་བར་དག་དང་། །ཕྱོགས་དང་ཕྱོགས་མཚམས་རྣམས་སུ་ཡང་། །སྐུ་བཅས་སྐུ་ནི་མེད་པ་ཡི། །མཆོད་རྟེན་ལ་ནི་བདག་ཕྱག་འཚལ། །རྐང་གཉིས
314a4 དམ་པ་ཤར་དང་ནི། །བྱང་གི་ཕྱོགས་ཆར་བཞུགས་པ་ཡི། །རྒྱལ་བ་བསྟན་དཀའ་ཞེས་བྱ་བ། །དེས་ནི་ཚིགས་བཅད་འདི་གསུངས་སོ། །གང་གི་ཚིགས་བཅད་འདི་བཞི
314a5 ཡིས|་|དེ་བཞིན་གཤེགས་ལ་བསྟོད་བྱེད་པ། །དེ་ནི་ཚེ་རབས་སྟོང་དུ་ཡང་། །ངན་འགྲོར་འགྲོ་བར་མི་འགྱུར་རོ། །ཚིགས་སུ་བཅད་པ་བཞི་པ་རྫོགས་སོ།། །།
314a6 རྒྱ་གར་སྐད་དུ། ནཱ་ག་རཱ་ཛ་བྷེ་རཱི་གཱ་ཐཱ། བོད་སྐད་དུ། ཀླུའི་རྒྱལ་པོ་རྔ་སྒྲའི་ཚིགས་སུ་བཅད་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ
314a7 ལོ|་|དེ་བཞིན་གཤེགས་པས་རབ་བསྟན་པ། །བྱང་ཆུབ་སེམས་དཔའ་སྐྱེས་པའི་རབས། །ཐམས་ཅད་ལེགས་པར་འདུས་ནས་སུ། །ཤིན་ཏུ་དད་པའི་སེམས་ཀྱིས་ཉོན།།
iiif viewer powered by OpenSeadragon
