| e-texts navigator |
| Wylie |
309a1 ནོར་བུ་ལྷམ་བཞག་སྟེ། །ཐལ་མོ་སྦྱར་ཏེ་ལེགས་པར་ཕྱག་བཙལ་ནས། །འཇིག་རྟེན་མགོན་པོ་ལ་ནི་ཞུ་བ་ཞུས། །ཕན་བར་དགོངས་པ་ཐུགས་རྗེའི
309a2 བདག་ཉིད་ཅན། །དེ་བཞིན་གཤེགས་རྣམས་མྱ་ངན་འདས་པ་ན། །མཆོད་པ་བགྱིས་པས་བླ་མཆོག་ཇི་ལྟ་བུར། །སྲིད་པ་གཞན་དུ་མི་རྣམས་བདེ་བ་ཐོབ། །བཅོམ་ལྡན་མི་ཡི
309a3 སེང་གེ་སྔ་ཕྱིའི་མཐའི། །ཆོས་རྣམས་ཀུན་ལ་མངོན་སུམ་སྤྱད་གྱུར་པས། །ཀུན་དགའ་བཟང་པ་ཡི་ནི་མངོན་སུམ་དུ། །གསལ་རྒྱལ་ཞུས་ལན་འདི་དག་བཀའ་སྩལ་པ། །ཇི
309a4 ལྟར་མཆོད་རྟེན་དག་ལ་མི་རྣམས་ཀྱིས། མཆོད་པ་བྱས་པས་སྲིད་པ་གཞན་དག་ཏུ། །རྣམ་སྨིན་འདོད་པ་སྣ་ཚོགས་ཅི་ཐོབ་པ། །ཞུས་པའི་དོན་དེ་རྒྱལ་པོས་མཉན་པར་གྱིས།།
309a5 བཅོམ་ལྡན་འདས་ཀྱི་མཆོད་རྟེན་རྣམས་དང་ནི། །སྐུ་གཟུགས་རྣམས་ལ་རྡུལ་ཕྲན་ཅི་སོང་བ། །དེ་ཡི་གྲངས་སྙེད་དེ་བྱེད་མི་རྣམས་ཀྱི། །ལྷ་ཡུལ་ས་སྟེང་ངེས་པར་རྒྱལ་སྲིད་འཐོབ།།
309a6 གཟུགས་དང་གཟུགས་མེད་ཁམས་ཀྱི་ཏིང་ངེ་འཛིན། །ཕུན་སུམ་ཚོགས་པའི་ས་མཆོག་ཀུན་མྱོང་ནས། །ཐ་མར་སྐྱེ་དང་རྒ་ལ་སོགས་པ་ཡི། །སྡུག་བསྔལ་མེད་པའི་སངས
309a7 རྒྱས་གོ་འཕང་འཐོབ། །སུ་དག་འདི་ནི་རྒྱལ་བའི་གཟུགས་བྱེད་པ། །དེ་དག་གཟུགས་བཟང་ཡིད་འོང་ཡོན་ཏན་ལྡན། །དབང་པོ་བསྡམས་ཤིང་འོད་འབར་ཉི་མ་བཞིན། །འཇིག
iiif viewer powered by OpenSeadragon
