| e-texts navigator |
| Wylie |
308b1 སེམས་ཀྱིས་སྤོས་ཆུས་དབང་བསྐུར་བ། །ཛམྦུའི་ཆུ་ཀླུང་གསེར་གྱི་ཕུང་པོ་འབུམ། །དེ་ན་དེ་དང་མཚུངས་པ་ཡོད་མ་ཡིན། །མཁས་པ་གང་གིས་སངས་རྒྱས་མཆོད་རྟེན་ལ། །
308b2 དགའ་བའི་སེམས་ཀྱིས་མར་མེ་འབུལ་བྱེད་པ། །ཛམྦུའི་ཆུ་ཀླུང་གསེར་སྲང་བྱེ་བ་འབུམ། །དེ་ནི་དེ་དང་མཚུངས་པ་ཡོད་མ་ཡིན། །མཁས་པ་གང་གིས་སངས་རྒྱས་མཆོད་རྟེན
308b3 ལ|་|དགའ་བའི་སེམས་ཀྱིས་རྒྱལ་མཚན་འཕན་གདུགས་ཐོགས། །གསེར་གྱི་རི་བོ་ལྷུན་པོ་ཚད་འབུམ་ཡང་། །དེ་ནི་དེ་དང་མཚུངས་པ་ཡོད་མ་ཡིན། །འདི་ནི་དཔག་མེད་དེ
308b4 བཞིན་གཤེགས|་། རྒྱ་མཚོ་འདྲ་བའི་རྫོགས་སངས་རྒྱས། །དེད་དཔོན་བླ་ན་མེད་པ་ལ། །ཕུལ་བའི་ཕན་ཡོན་བསྟན་པ་ཡིན། །བཞུགས་པའི་ཚེ་ན་གང་གིས་མཆོད། །མྱ་ངན་འདས
308b5 འོག་གང་གིས་མཆོད། །སེམས་དགེ་བ་ནི་མཚུངས་འགྱུར་ན། །བསོད་ནམས་ལ་ནི་ཁྱད་པར་མེད། །དེ་ལྟར་སངས་རྒྱས་བསམ་མི་ཁྱབ། །སངས་རྒྱས་ཆོས་ཀྱང་བསམ་མི་ཁྱབ།།
308b6 བསམ་མི་ཁྱབ་ལ་དང་རྣམས་ཀྱིས། །རྣམ་པར་སྨིན་པའང་བསམ་མི་ཁྱབ། །མཆོད་རྟེན་བསྐོར་བའི་ཚིགས་སུ་བཅད་པ་རྫོགས་སོ།། །།རྒྱ་གར་སྐད་དུ། པྲ་སེ་ན
308b7 ཛི་ཏ་གཱ་ཐཱ། བོད་སྐད་དུ། གསལ་རྒྱལ་གྱི་ཚིགས་སུ་བཅད་པ། དཀོན་མཆོག་གསུམ་ལ་ཕྱག་འཚལ་ལོ། །རྒྱལ་པོ་གསལ་རྒྱལ་གདུགས་དང་ཅོད་པན་དང་། །རྔ་ཡབ་རལ་གྲི
iiif viewer powered by OpenSeadragon
