| e-texts navigator |
| Wylie |
296a1 མྱུར་བ་མྱུར་བར་ཡང་དག་པར་གནས་སོ། །དེ་དྲན་པ་ཉེ་བར་གཞག་པ་རྣམས་སྒོམ་པའི་སེམས་མྱུར་བ་མྱུར་བར་ཡང་དག་པར་གནས་སོ། །ཚེ་དང
296a2 ལྡན་པ་དག་། འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་ཡིད་ལ་བྱས་པའི་བདག་ཉིད་ཀྱི་བར་དུ་གཅོད་པ་ནི་བཅུ་གཅིག་ཏུ་རིག་པར་བྱ་སྟེ། འདི་ལྟ་སྟེ། ཡང
296a3 དང་། ཡང་དུ་ཚོགས་པར་འདུ་བ་དང་། ཟས་ལ་གདུ་བ་ཉིད་དང་། ལས་ལ་དགའ་བ་ཉིད་དང་། སྨྲ་བ་ལ་དགའ་བ་ཉིད་དང་། འདུ་འཛིའི་གཏམ་ལ་དགའ་བ་ཉིད་དང་། འདུ་འཛི་ལ
296a4 དགའ་བ་ཉིད་དང་། བདག་ཏུ་འཛིན་པ་དང་། འཕྱར་བ་དང་། བག་མེད་པ་དང་། ཡུལ་དུ་མི་གནས་པའོ། །ཚེ་དང་ལྡན་པ་དག་།བར་དུ་གཅོད་པ་བཅོམ་པ་དེ་དག་ཡང་དག་པར་འཇོམས་པ
296a5 མཁས་པ་བཅུ་ལ་བསླབ་པར་བྱ་སྟེ། འདི་ལྟ་སྟེ། ཏིང་ངེ་འཛིན་ལ་མཁས་པ་དང་། ཏིང་ངེ་འཛིན་ལ་གནས་པ་ལ་མཁས་པ་དང་། ཏིང་ངེ་འཛིན་ལས་ལྡང་བ་ལ་མཁས་པ་དང་། རབ་ཏུ་འཛིན་པ་ལ
296a6 མཁས་པ་དང་། བཏང་སྙོམས་ལ་མཁས་པ་དང་། སྐྱེ་མཆེད་ལ་མཁས་པ་དང་། ཐབས་ལ་མཁས་པ་དང་། མངོན་པ་སྒྲུབ་པ་ལ་མཁས་པའོ། །ཚེ་དང་ལྡན་པ་དག་།འཕགས་པ་ཉན་ཐོས
296a7 དེ་ལྟར་མངོན་པར་སྒྲུབ་པ་ལ་མཁས་པ་ལ་མཆོག་ཏུ་དགའ་བའི་དངོས་པོ་བཅུ་གསུམ་སྐྱེ་བ་ན་སྐྱེ་སྟེ། དད་པ་ཅན་དེ་སྟོན་པའམ། ཆོས་སམ། དགེ་འདུན་ནས། བདག་གི
iiif viewer powered by OpenSeadragon
