| e-texts navigator |
| Wylie |
291b1 མི་ཉན་པ་དང་། ཡོངས་སུ་མི་འདྲི་བ་དང་། དབང་པོ་རྣམས་ཀྱི་སྒོ་མ་བསྲུངས་པ་དང་། ཟས་ཀྱི་ཚོད་མི་རིག་པ་དང་། དབེན་པ་ལ་མངོན་པར་མི་དགའ་བ་དང་། ཇི་ལྟ་བ་བཞིན་ལ་སོ་སོར
291b2 མི་རྟོག་པའོ། །མི་རྟོག་པའི་འདུ་ཤེས་ཀྱི་བར་དུ་གཅོད་པ་ནི་འདུ་བྱེད་ལ་རྗེས་སུ་ཆགས་པའོ། །མི་རྟག་པ་ལ་སྡུག་བསྔལ་བའི་འདུ་ཤེས་ཀྱི་བར་དུ་གཅོད་པའི་ཆོས་ནི་དྲུག་སྟེ། འདི
291b3 ལྟ་སྟེ། ལེ་ལོ་དང་། འགྱོད་པ་དང་། ཡལ་བ་དང་། བག་མེད་པ་དང་། མི་བརྩོན་པ་དང་། ཇི་ལྟ་བ་བཞིན་སོ་སོར་མི་རྟོག་པའོ། །སྡུག་བསྔལ་ལ་བདག་མེད་པའི་འདུ་ཤེས་ཀྱི་བར་དུ
291b4 གཅོད་པ་ནི་བདག་ཏུ་ལྟ་བའོ། །ཟས་ལ་མི་འཕྲོད་པའི་འདུ་ཤེས་ཀྱི་བར་དུ་གཅོད་པ་ནི་རོ་ལ་སྲེད་པའོ། །འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཀྱི་བར་དུ་གཅོད
291b5 པ་ནི་འཇིག་རྟེན་གྱི་སྣ་ཚོགས་དག་ལ་འདུན་པ་དང་། འདོད་ཆགས་ཀྱི་རྗེས་སུ་ཆགས་པའོ། །སྣང་བའི་འདུ་ཤེས་ཀྱི་བར་དུ་གཅོད་པའི་ཆོས་ནི་བཅུ་གཅིག་སྟེ། འདི་ལྟ་སྟེ། ཐེ་ཚོམ་དང་།
291b6 ཡིད་ལ་མི་བྱེད་པ་དང་། ལུས་ཀྱི་གནས་ངན་ལེན་དང་། གཉིད་དང་། རྨུགས་པ་དང་། ཧ་ཅང་བརྩོན་འགྲུས་དྲག་པ་དང་། ཧ་ཅང་བརྩོན་འགྲུས་ཞན་པ་དང་། དགའ་བ་དང་། སྤོབས་པ
291b7 མེད་པ་དང་། འདུ་ཤེས་སྣ་ཚོགས་དང་། ཧ་ཅང་སྨྲ་བ་མང་བ་དང་། གཟུགས་རྣམས་ལ་ངེས་པར་རྟོག་པ་ཉིད་དོ། །འདོད་ཆགས་དང་བྲལ་བའི་འདུ་ཤེས་ཀྱི་བར་དུ་གཅོད་པ་ནི་ཀུན་ཏུ
iiif viewer powered by OpenSeadragon
