| e-texts navigator |
| Wylie |
241b1 དག་ལ་ཡང་བའི་འདུ་ཤེས་དང་། བདག་དང་གཞན་གྱིས་དགེ་བའི་རྩ་བ་ཆུང་དུ་བྱས་པ་དག་ལ་འབྲས་བུ་དང་། ཕན་ཡོན་ཆེ་བའི་འདུ་ཤེས་དང་། འཇིག་རྟེན་ཕ་རོལ་ཏུ་ཕྱིན་པ་དག་ལ་མི
241b2 སྐྲག་ཅིང་འཇིགས་པ་མེད་པའི་འདུ་ཤེས་དང་། འདུ་བྱེད་ཐམས་ཅད་ལ་མི་རྟག་པའི་འདུ་ཤེས་དང་། ཆོས་ཐམས་ཅད་ལ་བདག་མེད་པའི་འདུ་ཤེས་དང་། མྱ་ངན་ལས་འདས་པ་ནི
241b3 བདེ་བ་དང་། ཞི་བའོ་སྙམ་དུ་འདུ་ཤེས་པ་མངོན་པར་བསྒྲུབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགེ་སློང་དག་ཡི་རངས་ཏེ། བཅོམ་ལྡན་འདས
241b4 ཀྱིས་གསུངས་པ་ལ་མངོན་པར་བསྟོད་དོ། །འདུ་ཤེས་བཅུ་བསྟན་པའི་མདོ་རྫོགས་སོ།། །།རྒྱ་གར་སྐད་དུ། ཨཱཪྱ་སཾ་ཛྙཱ་ན་ཨེ་ཀ་ད་ཤ་ནི་རྡེ་ཤ་སཱུ་ཏྲ། བོད་སྐད་དུ།
241b5 འཕགས་པ་འདུ་ཤེས་བཅུ་གཅིག་བསྟན་པའི་མདོ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཀུ་ཤའི་གྲོང
241b6 ཁྱེར་ན་གྱད་ཀྱི་ཉེ་འཁོར་ཤིང་སཱ་ལ་ཟུང་གི་ཚལ་ན་བཞུགས་ཏེ། ཡོངས་སུ་མྱ་ངན་ལས་འདའ་བའི་དུས་ཀྱི་ཚེ། དགེ་སློང་རྣམས་ལ་བཀའ་སྩལ་པ། དགེ་སློང་དག་།ནམ་འཆི
241b7 བའི་དུས་ཀྱི་ཚེ་དགེ་སློང་གིས་འདུ་ཤེས་བཅུ་གཅིག་མངོན་དུ་བྱའོ། །བཅུ་གཅིག་གང་ཞེ་ན། འདི་ལ་མ་ཆགས་པའི་འདུ་ཤེས་དང་། སེམས་ཅན་ཐམས་ཅད་ལ་བྱམས་པའི་འདུ
iiif viewer powered by OpenSeadragon
