| e-texts navigator |
| Wylie |
236b1 དཀར་པོར་སྐྱེ་ཞེས་བྱ་བ་ལ་སོགས་པའང་མ་ཡིན་ནོ། །ལྷ་ཚེ་འཕོས་པའང་ལྷར་སྐྱེའོ། །མི་ཚེ་འཕོས་པའང་མིར་སྐྱེའོ་ཞེས་ཟེར་བའང་མ་ཡིན་ནོ། །དགེ་བས་ངན་སོང་དང་། མི་དགེ་བས
236b2 མཐོ་རིས་སུ་འགྲུབ་ཅེས་ཟེར་བའང་མ་ཡིན་ནོ། །ཤེས་པ་གཅིག་ལས་མང་པོ་འཕེལ་བའང་མ་ཡིན་ནོ། །དགེ་བ་མ་བྱས་ཀྱང་ལྷར་སྐྱེ་བ་དང་། མི་དགེ་བ་མ་བྱས་ཀྱང་ངན་སོང་དུ་སྐྱེ
236b3 བའང་མ་ཡིན་ནོ། །སྐྱེ་བ་ནི་བྱེད་པས་བྱས་པའང་མ་ཡིན་ནོ། །དེ་དག་ཅིའི་ཕྱིར་མ་ཡིན་ཞེ་ན། ཁ་ཏོན་གྱི་དཔེ་ལ་གང་དག་གིས་རྣམ་པར་ཤེས་པ་འདི་མ་འགས་པར་ཕ་རོལ་ཏུ་སྐྱེ
236b4 བ་ལེན་ནོ་ཞེས་ཟེར་བའི་སྐྱོན་བསལ་བའི་ཕྱིར་ས་བོན་གྱི་དཔེ་བསྟན་ཏེ། ས་བོན་དེ་མ་རུལ་བར་མྱུ་གུ་སྐྱེ་ན་ནི་བདག་ཏུ་སྨྲ་བ་དག་བདེན་ན་ས་བོན་དེ་རུལ་ནས་སྔ་མ་ལས་གྱུར་ཏེ་མི་འདྲ
236b5 བར་གྱུར་པ་ལས་མྱུ་གུ་སྐྱེའོ། །མར་མེའི་དཔེ་ལ་གང་གིས་མར་མེ་གཅིག་ལས་གཅིག་བར་ན་གཉིས་ཀ་ཡོད་པས་འདི་དང་ཕ་རོལ་གཉིས་ཀར་ཕུང་པོ་དུས་གཅིག་ཡོད་དོ་ཞེས་ཟེར་བའི
236b6 སྐྱོན་བསལ་བའི་ཕྱིར་སྒྲའི་དཔེ་བསྟན་ཏེ། བྲག་ཅ་ནི་མིས་མ་བརྗོད་པར་སྒྲ་མི་གྲག་སྟེ། དུས་གཅིག་ཏུ་མི་འབྱུང་བས་ཕུང་པོའང་དུས་གཅིག་ཏུ་མི་འབྱུང་ངོ་། །མེ་ལོང་གི་དཔེ་ལ་འདྲ
236b7 བའི་ཕྱིར་གྲུམ་པོ་ལས་གྲུམ་པོར་སྐྱེ་བ་དག་དགག་པའི་ཕྱིར་མེ་ཤེལ་གྱི་དཔེ་བསྟན་ཏེ། མེ་ཤེལ་ལས་དེ་དང་མི་འདྲ་བའི་མེ་འབྱུང་བའི་ཕྱིར་རོ། །རྒྱའི་དཔེ་ནི་ལྷ་ཚེ་འཕོས་པ་ལྟར་སྐྱེ། མི
iiif viewer powered by OpenSeadragon
