| e-texts navigator |
| Wylie |
234a1 སེམས་དང་བས་རྣམ་པར་སྨིན་པ་ལ་ཡིད་ཆེས་པར་བྱས་ཏེ། སེམས་ཐག་པ་ནས་བཤགས་ན་འབྱང་བར་འགྱུར་རོ། །འཆི་བའི་ཚེ་མི་དགེ་བ་སྔར་བྱས་པ་དག
234a2 ལ་འགྱོད་པ་བསྐྱེད་དེ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ཞིང་སྐྱབས་སུ་གསོལ་ན་སྡིག་པ་འབྱང་བར་འགྱུར་རོ། །མཐོ་རིས་སུའང་སྐྱེ་བར་འགྱུར
234a3 རོ|་|ཚེ་ཕྱི་མ་མེད་པའི་འདུ་ཤེས་བསྐྱེད་པར་མི་བྱའོ། །སྐྱེ་བ་ལེན་པ་ནི་དབང་ཕྱུག་དང་། འདོད་རྒྱལ་དང་། གྱིན་ལ་སོགས་བདག་གིས་བྱེད་པར་མི་བལྟའོ། །འཇིག་རྟེན་པའི་བདེ་བ
234a4 དང་། འཁོར་བ་ཐམས་ཅད་ལ་ཆགས་པར་མི་བྱའོ། །ཀྱེ་རྒྱལ་པོ་ཆེན་པོ། འཇིག་རྟེན་འདི་ནས་ཕ་རོལ་ཏུ་འཕོ་སྟེ། སྐྱེ་བ་ལེན་པ་ན་རྟག་པ་འཕོ་བའང་མ་ཡིན་ནོ། །ཆད་པ་འགགས
234a5 ཏེ་མེད་པའང་མ་ཡིན་ནོ། །རྒྱུ་མེད་པའང་མ་ཡིན་ནོ། །རྒྱུ་མེད་པ་ལས་བྱུང་བའང་མ་ཡིན་ནོ། །བྱེད་པ་པོས་བྱས་པའང་མ་ཡིན་ཏེ། ལས་དང་། ཉོན་མོངས་པའི་རྒྱུ་རྐྱེན་ཚོགས་པ
234a6 ལས་སྐྱ་བར་བལྟའོ། །རྒྱལ་པོ་ཆེན་པོས་གསོལ་པ། བཅོམ་ལྡན་འདས། སེམས་ཅན་རྣམས་ཚེ་འཕོས་ནས་སྐྱེ་བ་ལེན་པ་དེ་དེ་ལྟར་རྟག་པའང་མི་འཕོ། ཆད་པའང་མ་ལགས་།རྒྱུ
234a7 མེད་པའང་མ་ལགས། བྱེད་པ་པོས་ཡང་མ་བྱས། འཇིག་རྟེན་ཕ་རོལ་ཏུ་སྐྱེ་བའང་འགྲུབ་པ་དེ་རྟོགས་པར་དཀའ་ན་འདི་ལ་མཐུན་པའི་དཔེ་མཆིས་སམ། བཅོམ་ལྡན་འདས་ཀྱིས
iiif viewer powered by OpenSeadragon
