| e-texts navigator |
| Wylie |
226b1 སྐྱེ་བ་ཡེ་མ་མཆིས་ན་འགྲོ་བ་རྣམས་ཟད་པའི་རིགས་སོ། །ཀྱེ་རྒྱལ་པོ་ཆེན་པོ། ཕྱི་རོལ་གྱི་རྩཝ་དང་། ཤིང་རྣམས་ཀྱང་དུས་ཀྱི་དབང་གིས་བསྐམས་པ་དེའང་ཕྱིར་སྐྱེའོ། །དེ་བཞིན་དུ་སེམས་ཅན
226b2 རྣམས་ལས་དང་། ཉོན་མོངས་པ་དུས་འགྱུར་བ་དང་འདྲ་བའི་དབང་གིས་སྐྱེ་བ་དང་། འཆི་བར་འགྱུར་རོ། །དེའི་ཕྱིར་ན་རྒྱལ་པོ་ཆེན་པོ་ཚེ་ཕྱི་མ་ངེས་པར་ཡོད་པར་མཁྱེན་པར་མཛོད་ཅིག་།ཀྱེ་རྒྱལ་པོ
226b3 ཆེན་པོ། རྒྱལ་པོ་ཆེན་པོས་སེམས་ཅན་ཐམས་ཅད་འདི་ནས་ཚེ་འཕོས་ནས་ཕ་དང་། མེས་པོ་དང་། ཡང་མེས་ལ་སོགས་པ་ཐོག་མ་མེད་པ་ནས་བཟུང་བའི་བར་དུ་གཅིག་ནས་གཅིག་ཏུ
226b4 བརྒྱུད་པའི་རིས་མཐུན་པ་རྣམས་འཇིག་རྟེན་ཕ་རོལ་ན་སྐྱེ་བ་མི་ལེན་པར་འདི་ན་ཅི་སྤྱོད་པ་བཞིན་འགྲོགས་ཏེ་གནས་སོ་ཞེས་འཇིག་རྟེན་པ་དག་མཆི་ན། དེ་དེ་ལྟར་ལགས་སམ། ཞེས
226b5 གསུང་བ་ནི། ཀྱེ་རྒྱལ་པོ་ཆེན་པོ། འདི་ན་ཕ་དང་། བུ་ལ་སོགས་པ་གཅིག་ལ་གཅིག་སྣང་པ་ནི་གཟུགས་དངོས་པོ་ཅན་གཅིག་ལ་གཅིག་སྣང་གི་།སེམས་གཅིག་གིས་གཅིག་མཐོང་བ་ནི་མ
226b6 ཡིན་ཏེ། གཟུགས་ཀྱི་ཕུང་པོ་འདིར་ཞིག་སྟེ་མེད་ན། ཕ་རོལ་ན་སེམས་གཅིག་ལ་གཅིག་ཇི་ལྟར་སྣང་སྟེ་འགྲོགས། ཚེ་འཕོས་པའི་ཕ་དང་། མེས་པོ་དང་། ཡང་མེས་ལ་སོགས་པ་ད་ལྟར
226b7 ཚེ་མ་འཕོས་པའི་བུ་ཚ་གཟུགས་ཡོད་པས་ཀྱང་མི་མཐོང་ན་ཕ་རོལ་ཏུ་ཚེ་འཕོས་པའི་ལུས་མེད་པས་ཕ་དང་། མེས་པོ་དང་། ཡང་སེམས་ལ་སོགས་པ་གཟུགས་མེད་པ་ཇི་ལྟར་མཐོང་ནས
iiif viewer powered by OpenSeadragon
