| e-texts navigator |
| Wylie |
226a1 ཐམས་ཅད་དུ་དེ་ལྟར་འགྱུར་བའི་རིགས་ན། མི་རྣམས་ལས་མི་དགེ་བ་སྤྱད་པ་མང་པའི་རྒྱུས་ངན་སོང་གསུམ་པོ་རྣམས་ཕྱིར་ཞིང་མང་བ་ལ་གཟིགས། ཀྱེ
226a2 རྒྱལ་པོ་ཆེན་པོ། གཞན་ཡང་། ད་ལྟར་གྱི་དགྲ་བཅོམ་པ་འདི་དག་ནི་མི་ལས་གྱུར་པ་ལགས་ན། འགྲོ་བ་རིས་སོ་སོར་མ་འདྲེས་བར་ཡང་རིས་སོ་སོར་སྐྱེ་བ་ནི་མི་རིགས་སོ། །དགྲ་བཅོམ
226a3 པའི་འབྲས་བུ་ཐོབ་པར་ཡང་མི་རིགས་སོ། །ཀྱེ་རྒྱལ་པོ་ཆེན་པོ། དེའི་ཕྱིར་ན་ལས་དགེ་བ་དང་། མི་དགེ་བའི་དབང་གིས་མཐོ་རིས་དང་། ངན་སོང་ལ་སོགས་པར་རིས་ཐ་དད་པར་སྐྱེ
226a4 བར་འགྱུར་རོ། །ཀྱེ་རྒྱལ་པོ་ཆེན་པོ། རྒྱལ་པོ་ཆེན་པོས་ལྷ་རྣམས་ཚེ་འཕོས་ནས་མི་ལ་སོགས་པ་གཞན་རྣམས་སུ་སྐྱེའམ་ཞེས་བྱ་བ་ལ་སོགས་པ་དྲིས་པ་ནི་དེ་དེ་བཞིན་ལགས་ཏེ། དེ་དེ
226a5 ལྟར་ལགས་སོ། །ཀྱེ་རྒྱལ་པོ་ཆེན་པོ། རྒྱལ་པོ་ཆེན་པོས་སེམས་ཅན་ཐམས་ཅད་ཚེ་འཕོས་ནས་ཡེ་མེད་པར་གྱུར་ཏེ་མེ་ཤི་བའི་ཐལ་བ་བཞིན་དུ་སྐྱེ་བ་ཡེ་མ་མཆིས་སམ་ཞེས་གསུངས
226a6 པ་ནི་དེ་ལྟར་མ་ལགས་ཏེ། ཀྱེ་རྒྱལ་པོ་ཆེན་པོ། དཔེར་ན། ས་བོན་ཡོད་ན་འབྲས་བུ་འབྱུང་སྟེ། ཚེ་འདི་ས་བོན་ལྟ་བུ་ལས་ཚེ་ཕྱི་མ་འབྲས་བུ་ལྟ་བུ་ཡོད་དོ། །ཀྱེ་རྒྱལ་པོ་ཆེན
226a7 པོ|་ཉི་མ་ཤར་ནས་ཁད་ཀྱིས་ནུབ་སྟེ་སྨག་ཏུ་གྱུར་པ་ལས་ཡང་ནང་པར་འཆར་བ་བཞིན་དུ་ཚེ་འདི་འཕོས་ནས་ཡང་སྐྱེ་བ་ཕྱི་མ་ལེན་ནོ། །ཀྱེ་རྒྱལ་པོ་ཆེན་པོ། ཚེ་འཕོས་ནས་ཕྱི་མར
iiif viewer powered by OpenSeadragon
