| e-texts navigator |
| Wylie |
224b1 བཅོམ་ལྡན་འདས། སེམས་ཅན་ཚེ་འཕོས་པ་ཇི་ལྟར་འགྱུར་བའི་དོན་ཞུ་བར་འཚལ་ན་སྐབས་དབྱེ་བར་ཅི་གནང་། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
224b2 ཀྱེ་རྒྱལ་པོ་ཆེན་པོ། ཅི་དང་། ཅི་བཞེད་པ་ཞུས་ཤིག་དང་། རྒྱལ་པོ་ཆེན་པོའི་སེམས་རངས་པར་བཤད་པར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་རྒྱལ་པོ་ཆེན
224b3 པོ་ཟས་གཙང་མས་འདི་སྐད་ཅེས་གསོལ་ཏོ། །བཅོམ་ལྡན་འདས། འཇིག་རྟེན་འདི་ནས་ཚེ་ཕ་རོལ་ཏུ་འཕོས་པའི་སེམས་ཅན་རྣམས་ཕ་རོལ་ཏུ་སྐྱེ་བ་དེ་ལྷ་རྣམས་ཀྱང་ལྷར་སྐྱེའམ། དེ
224b4 བཞིན་དུ་མི་དང་། དུད་འགྲོ་དང་། ཡི་དྭགས་དང་། དམྱལ་བ་རྣམས་ཀྱང་མི་དང་། དུད་འགྲོ་དང་། ཡི་དྭགས་དང་། དམྱལ་བ་རྣམས་སུ་ཚེ་འཕོས་པར་རིགས་མ་འདྲེས་པར་སོ
224b5 སོར་སྐྱེའམ། བཅོམ་ལྡན་འདས། གཞན་ཡང་། ལྷ་རྣམས་ནས་ཚེ་འཕོས་པ་མི་ལ་སོགས་པ་གཞན་རྣམས་སུ་སྐྱེའམ། དེ་བཞིན་དུ་མི་དང་། དུད་འགྲོ་དང་། ཡི་དྭགས་དང་། དམྱལ
224b6 བ་རྣམས་ནས་ཚེ་འཕོས་ནའང་ལྷ་ལ་སོགས་པ་གཞན་རྣམས་སུའང་སྐྱེ་བར་འགྱུར། བཅོམ་ལྡན་འདས། གཞན་ཡང་། སེམས་ཅན་ཐམས་ཅད་འདི་ནས་ཚེ་འཕོས་ནས་ཡེ་མེད་པར
224b7 གྱུར་ཏེ། མེ་ཤི་བའི་ཐལ་བ་བཞིན་དུ་གྱུར་ནས་སྐྱེ་བར་ཡེ་མ་མཆིས་སམ། བཅོམ་ལྡན་འདས། གཞན་ཡང་། སེམས་ཅན་ཐམས་ཅད་འདི་ནས་ཚེ་འཕོས་ནས་ཕ་དང་། མེས་པོ་དང་། ཡང
iiif viewer powered by OpenSeadragon
