| e-texts navigator |
| Wylie |
194b1 ཡིན་དང་། །རྟགས་ཙམ་འཛིན་དང་ཡང་དག་དགེ་སློང་སྟེ། །སྒྲ་འཇུག་རྣམ་པར་ཟད་ཕྱིར་དང་། །དགེ་བ་སློང་དང་ཟས་སློང་དང་། །ཞི་བར་གནས་དང་ལམ་ཞུགས་དང་། །ལེགས
194b2 པར་འཚོ་དང་ཆགས་སྤངས་དང་། །ཡིད་འོང་ཕྱིར་ན་དགེ་སློང་ངོ་། །དགེ་སློང་ཞེས་བྱ་བརྒྱན་པ་སྟེ། །རྒྱན་སྤངས་རྒྱན་གྱིས་ལེགས་པར་བརྒྱན། །ཆགས་སྤངས་ཆགས་པ་ཆེན་པོས
194b3 སྤྱད|་|བྱུག་པ་ཁྲུས་དང་བཟའ་བ་དང་། །རྒྱན་དང་གོས་དང་ཁ་དོག་དང་། །རྟ་དང་གླང་པོ་ཁྱོགས་སོགས་ཀྱི། །བཞོན་པ་བླ་མེད་དེ་ཡང་བཞོན། །དེ་དག་འབྱོར་པ་དགེ་སློང་སྟེ། །དེ་དག
194b4 མི་འབྱོར་དགེ་སློང་མིན། །དེ་ནས་ཉེ་བར་འཁོར་དེ་ཡིས། །བཅོམ་ལྡན་འདས་ལ་འདི་སྐད་གསོལ། །ཅི་དེ་བདེ་བར་གཤེགས་པ་ཡིས། །སྐད་བྱིངས་རྟོགས་པར་དཀའ་བ་གསུངས།།
194b5 དེ་ཉིད་བདེ་བར་གཤེགས་པ་ཡིས། །ཚིག་གི་མུན་པ་ཚིག་གི་ནི། །མར་མེས་གསལ་བར་མཛད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །གསེར་ལ་སོགས་པ
194b6 འཇིག་རྟེན་རྒྱན། །རབ་ཏུ་སྤངས་པས་སྙིང་རྗེ་ཡི། །རྒྱན་གྱིས་མཆོག་གིས་བརྒྱན་པར་བྱ། །འཇིག་རྟེན་མ་ཡིན་བསླབ་པ་ཡི། །གོས་གྱོན་གོས་མཆོག་བཟང་པོ་ཡིན། །ག་བུར་ལ
194b7 སོགས་མ་ཡིན་པའི། །ཚུལ་ཁྲིམས་བྱུག་པ་མཆོག་གིས་བྱུགས། །དཀར་དམར་ལ་སོགས་མ་ཡིན་པའི། །དད་པའི་ཁ་དོག་རྣམ་པར་མཛེས། །འཇིག་རྟེན་མ་ཡིན་བརྩོན
iiif viewer powered by OpenSeadragon
