| e-texts navigator |
| Wylie |
194a1 ཏེ|་པུས་མོ་གཡས་པའི་ལྷ་ང་ས་ལ་བཙུགས་ནས་ལག་པ་གཉིས་ཀྱི་ཐལ་མོ་སྙིང་གར་སྦྱར་བ་བྱས་ཏེ། འཛུམ་དམུལ་ནས་བཅོམ་ལྡན་འདས་ལ་འདི
194a2 སྐད་ཅེས་གསོལ་ཏོ། །འཁོར་བའི་འདམ་ནས་པདྨ་ལྟར་བྱུང་བའི། །སྐྱོབ་མཛད་རི་བོ་ལྟ་བུར་མི་བསྐྱོད་ཐུབ་པའི་སྐུ། །དཔེ་བྱད་རྒྱན་གྱིས་བརྒྱན་ཅིང་མཚན་གྱི་མེ་ཏོག་མཛེས། །
194a3 བལྟ་བས་མི་ངོམས་རབ་མཆོག་ཁྱོད་ལ་ཕྱག་འཚལ་ལོ། །ཁྱོད་ཀྱིས་བདག་ཅག་འདིར་འདུས་འདི་དག་ལ། །དགེ་སློང་འབའ་ཞིག་གནས་པས་དགེ་སློང་གི་།ངོ་བོ་དབྱེ་དང་སྒྲ
194a4 འཇུག་ཆེད་བྱ་བ། །བཞི་པོ་འདི་དག་ཐུབ་པས་གསུང་དུ་གསོལ། །དེ་ནས་བཅོམ་ལྡན་བདེ་གཤེགས་རབ་དགྱེས་ཏེ། །ཉེ་བར་འཁོར་ལ་སྤྱན་གཟིགས་འདི་སྐད་གསུངས། །ལེགས
194a5 པར་ཉོན་ཅིག་བུ་ཁྱོད་ཉེ་བར་འཁོར། །ངས་ནི་ཁྱོད་ཀྱིས་སེམས་རངས་བྱ་ཕྱིར་དང་། །དགེ་སློང་རྣམས་ལ་ཕན་ཕྱིར་དེ་བཤད་དོ། །དགེ་སློང་ཞེས་བྱ་ཆོས་ཀྱི་རྒྱལ་མཚན་ཏེ། །དགེ་སློང
194a6 ཞེས་བྱ་རྡོ་རྗེ་སྲོག་ཤིང་ཡིན། །དགེ་སློང་ཞེས་བྱ་སྡུག་བསྔལ་སྤངས་པ་སྟེ། །དགེ་སློང་ཞེས་པ་རྒྱལ་བའི་སྲས་པོ་ཡིན། །དགེ་སློང་ཞེས་བྱ་ཉོན་མོངས་སྲོག་བཅད་དེ། །དགེ་སློང་ཞེས
194a7 བྱ་ཐར་པའི་ཚལ་འགྲོའོ། །དགེ་སློང་རང་གི་ངོ་བོ་བསྔམས་པ་སྟེ། །རྩ་བ་བཞི་སོགས་ཉིས་བརྒྱ་ལྔ་བཅུ་པ། །ཆེད་དུ་བྱ་བ་རྣམ་དག་ཚུལ་ཁྲིམས་ཡིན། །དབྱེ་བ་མིང་གི་དགེ་སློང་གང
iiif viewer powered by OpenSeadragon
