| e-texts navigator |
| Wylie |
550b1 དང་། བྲམ་ཟེ་ནི། འདི་དག་ལགས་ཏེ། འདི་ལྟ་སྟེ། འོད་སྲུང་རྫོགས་བྱེད་དང་། ཀུན་ཏུ་རྒྱུ་གནག་ལྷས་ཀྱི་བུ་དང་། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང་། མི་ཕམ
550b2 སྐྲའི་ལ་བ་ཅན་དང་། ཀ་ཏྱའི་བུ་ནོག་ཅན་དང་། གཅེར་བུ་པ་གཉེན་གྱི་བུ་གང་ལགས་པ་དེ་དག་ཀྱང་ད་དུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས
550b3 པར་སངས་རྒྱས་པར་བདག་ཉིད་གཡར་གྱིས་མི་འཆེ་ལགས་ན། ཤེས་ལྡན་གཽ་ཏ་མ་འཁྲུངས་ནས་རིང་པོ་མ་ལགས་པ་གསར་དུ་རབ་ཏུ་བྱུང་བས་ལྟ་སྨོས་ཀྱང་ཅི་འཚལ། རྒྱལ
550b4 པོ་ཆེན་པོ། གཞོན་ནུ་བཞི་པོ་འདི་དག་ལ་ཁྱད་དུ་གསད་པར་མི་བྱ། ཟིལ་གྱིས་མནན་པར་མི་བྱ་སྟེ། བཞི་གང་ཞེ་ན། རྒྱལ་པོ་ཆེན་པོ། རྒྱལ་རིགས་གཞོན་ནུ་ཁྱད་དུ་གསད་པར་མི
550b5 བྱ|་གཞོན་ནུ་ལ་ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ། སྦྲུལ་གཞོན་ནུ་ལ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ། མེ་ཆུང
550b6 ངུ་ལ་ཁྱད་དུ་གསད་པར་མི་བྱ། ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ། དགེ་སློང་གཞོན་ནུ་ལ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་མནན་པར་མི་བྱའོ། །དེ་ཅིའི
550b7 ཕྱིར་ཞེ་ན། དགེ་སློང་གཞོན་ནུར་གྱུར་ཀྱང་དེ་རྫུ་འཕྲུལ་ཆེ་ཞིང་མཐུ་ཆེ་བའི་དགྲ་བཅོམ་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས། །བཀའ་སྩལ་ནས་ནི་བདེ་གཤེགས
iiif viewer powered by OpenSeadragon
