| e-texts navigator |
| Wylie |
545b1 འཕགས་གླིང་ཡང་ཞོག་གི་། གནས་འཇོག་གི་རྒྱུད་དག་།བ་ལང་སྤྱོད་ཀྱི་གླིང་ཞེས་བྱ་བ་ཆུ་དང་རྒྱར་དཔག་ཚད་དགུ་སྟོང་ཡོད་ཅིང་། ཀུན་ཏུ་ཟླུམ་པོ་ཡོད་དེ། དེ་ལ་གོམ་པ་འདི་སྙེད་ཅིག
545b2 ཡོད་དོ་ཞེའམ། གོམ་པ་བརྒྱའམ། གོམ་པ་སྟོང་ངམ། གོམ་པ་བརྒྱ་སྟོང་ཞིག་ཡོད་དོ། །ཞེས་བགྲང་བ་དང་། ཚད་གཟུང་བར་ནུས་ཀྱི། གནས་འཇོག་གི་རྒྱུད་དག་།སངས་རྒྱས་ལ་དགེ
545b3 བའི་རྩ་བ་བསྐྱེད་པ་ནི། བགྲང་བ་དང་། ཚད་གཟུང་བར་མི་ནུས་ཏེ། འཁོར་བར་ཟད་བར་མི་འགྱུར། ཡོངས་སུ་གཏུགས་པར་མི་འགྱུར་ཞིང་། མྱ་ངན་ལས་འདས་པ་མི་ཟད་པའང
545b4 ཐོབ་པར་བྱེད་དོ། །ཆོས་ལ་དགེ་བའི་རྩ་བ་བསྐྱེད་པ་དང་། དགེ་འདུན་ལ་དགེ་བའི་རྩ་བ་བསྐྱེད་པ་ནི། བགྲང་བ་དང་། ཚད་གཟུང་བར་མི་ནུས་ཏེ། འཁོར་བར་ཟད་པར་མི་འགྱུར། ཡོངས
545b5 སུ་གཏུགས་པར་མི་འགྱུར་ཞིང་། མྱ་ངན་ལས་འདས་པ་མི་ཟད་པའང་ཐོབ་པར་བྱེད་དོ། །གནས་འཇོག་གི་རྒྱུད་དག་།ཛམྦུའི་གླིང་ཡང་ཞོག་།ནུབ་ཀྱི་བ་ལང་སྤྱོད་ཀྱི་གླིང་ཡང་ཞོག་།
545b6 ཤར་གྱི་ལུས་འཕགས་གླིང་ཡང་ཞོག་གི་།གནས་འཇོག་གི་རྒྱུད་དག་།བྱང་གི་སྒྲ་མི་སྙན་གྱི་གླིང་ཞེས་བྱ་བ་ཆུ་དང་རྒྱར་དཔག་ཚད་ཁྲི་ཡོད་པ་ཀུན་ཏུ་གྲུ་བཞི་པ་ཡོད་དེ། དེ་ལའང
545b7 གོམ་པ་འདི་སྙེད་ཅིག་ཡོད་དོ་ཞེའམ། གོམ་པ་བརྒྱའམ། གོམ་པ་སྟོང་ངམ། གོམ་པ་བརྒྱ་སྟོང་ཞིག་ཡོད་དོ། །ཞེས་བགྲང་བ་དང་། ཚད་གཟུང་བར་ནུས་ཀྱི། གནས་འཇོག་གི་རྒྱུད
iiif viewer powered by OpenSeadragon
