| e-texts navigator |
| Wylie |
544b1 དང་། ངོས་སུ་ནི། མདོ་སྡེའི་ཁོར་ཡུག་གིས་ཡོངས་སུ་བཟུང་བ་དང་། ཆོས་མངོན་པའི་ཀླུ་ཆེན་པོའི་ཆར་གྱིས་ཀུན་ཏུ་ཡོངས་སུ་གང་བར་བྱས་པ་དང་། བསྒོམས་པ་ལས་བྱུང་བའི
544b2 དགེ་བའི་རྩ་བའི་ཆུ་ཀླུང་དག་གིས་ཡོངས་སུ་རྒྱས་པར་བྱས་པའོ། །གནས་འཇོག་གི་རྒྱུད་དག་།འོན་ཀྱང་སངས་རྒྱས་ལ་དགེ་བའི་རྩ་བ་བསྐྱེད་པ་ནི། འཁོར་བར་ཟད་པར་མི་འགྱུར
544b3 ཡོངས་སུ་གཏུགས་པར་མི་འགྱུར་ཞིང་། མྱ་ངན་ལས་འདས་པ་མི་ཟད་པའང་ཐོབ་པར་བྱེད་དོ། །ཆོས་ལ་དགེ་བའི་རྩ་བ་བསྐྱེད་པ་དང་། དགེ་འདུན་ལ་དགེ་བའི་རྩ་བ་བསྐྱེད་པ་ནི།
544b4 འཁོར་བར་ཟད་པར་མི་འགྱུར། ཡོངས་སུ་གཏུགས་པར་མི་འགྱུར་ཞིང་། མྱ་ངན་ལས་འདས་པ་མི་ཟད་པའང་ཐོབ་པར་བྱེད་དོ། །གནས་འཇོག་གི་རྒྱུད་དག་།ཛམྦུའི་གླིང་འདི་ནི།
544b5 ཆུ་དང་ཞེང་དུ་དཔག་ཚད་བདུན་སྟོང་ཡོད་ཅིང་། བྱང་ཕྱོགས་སུ་ནི། ཡངས་ལ། ལྷོ་ཕྱོགས་སུ་ཤིང་རྟའི་དབྱིབས་ཡིན་ནོ། །དེ་ནི། གོམ་པ་འདི་སྙེད་ཅིག་ཡོད་དོ་ཞེའམ། གོམ་པ
544b6 བརྒྱའམ། གོམ་པ་སྟོང་ངམ། གོམ་པ་བརྒྱ་སྟོང་ཞིག་ཡོད་ཅེས་བགྲང་བ་དང་། ཚད་གཟུང་བར་ནུས་ཀྱི། གནས་འཇོག་གི་རྒྱུད་དག་།སངས་རྒྱས་ལ་དགེ་བའི་རྩ་བ་བསྐྱེད་པ་ནི།
544b7 བགྲང་བ་དང་། ཆེད་གཟུང་བར་མི་ནུས་ཏེ། འཁོར་བར་ཟད་པར་མི་འགྱུར། ཡོངས་སུ་གཏུགས་པར་མི་འགྱུར་ཞིང་། མྱ་ངན་ལས་འདས་པ་མི་ཟད་པའང་ཐོབ་པར་བྱེད་དོ། །
iiif viewer powered by OpenSeadragon
