| e-texts navigator |
| Wylie |
544a1 ཅིང་ཀུ་ཤའི་གྲོང་ཁྱེར་ནས་སྐྱེས་པའི་གྱད་རྣམས་ལ་འདི་སྐད་ཅེས་བཀའ་སྩལ་ཏོ། །གནས་འཇོག་གི་རྒྱུད་དག་།རྡོ་ཆེན་པོ་ཡངས་པ་འདི་ནི། བསྐལ་པ
544a2 དང་པོའི་མི་རྣམས་ཀྱི་རྩོལ་བའི་རྡོར་གྱུར་ཏེ། འདི་ལྟར་དེང་སང་ཡང་དེ་ལ་སོར་མོའི་རྗེས་དག་སྣང་བའི་ཕྱིར་རོ། །གནས་འཇོག་གི་རྒྱུད་དག་།དེ་ལྟར་འདུ་བྱེད་ཐམས་ཅད་ནི། མི
544a3 རྟག་པ། མི་བརྟན་པ། ཡིད་བརྟན་དུ་མི་རུང་བ། རྣམ་པར་འགྱུར་བའི་ཆོས་ཅན་དག་ཡིན་ཏེ། འདུ་བྱེད་ཐམས་ཅད་ཀྱི་བར་གྱིས་ཆོག་པ་ཉིད་དོ། །སྐྱོ་བར་བྱ་བའི་རིགས་སོ། །འདོད
544a4 ཆགས་དང་བྲལ་བར་བྱ་བའི་རིགས་སོ། །རྣམ་པར་གྲོལ་བར་བྱ་བའི་རིགས་སོ། །གནས་འཇོག་གི་རྒྱུད་དག་།རྒྱ་མཚོ་ཆེན་པོ་ནི། རྒྱུ་བཞིས་སྐམ་པར་མི་ནུས་སོ། །བཞི་གང་དག
544a5 གིས་ཤེ་ན། འོག་ཏུ་ནི། གསེར་གྱི་འཁོར་ལོས་ཀུན་ཏུ་བཟུང་བ་དང་། ངོས་སུ་ནི། ཁོར་ཡུག་གིས་ཡོངས་སུ་བཟུང་བ་དང་། སྟེང་ནས་ནི། ཀླུ་ཆེན་པོ་དག་གིས་ཤིང་རྟའི
544a6 སྲོག་ཤིང་ཙམ་དུ་ཆུའི་རྒྱུན་གྱི་ཆར་འབེབས་པར་བྱེད་པ་དང་། ཆུ་བོ་ཆེན་པོ་ཐམས་ཅད་ཆུ་ཀླུང་སྟོང་ཕྲག་དུ་མའི་འཁོར་དང་ལྡན་པ་རྒྱ་མཚོ་ཆེན་པོར་འབབ་པར་བྱེད་པའོ། །དེ
544a7 ལྟར་སངས་རྒྱས་ཀྱི་བསྟན་པ་རྒྱ་མཚོ་འདིའང་རྒྱུ་བཞིས་ནུབ་པར་མི་འགྱུར་རོ། །བཞི་གང་དག་གིས་ཤེ་ན། འོག་ཏུ་ནི། འདུལ་བའི་གསེར་གྱི་འཁོར་ལོས་ཀུན་ཏུ་བཟུང་བ
iiif viewer powered by OpenSeadragon
