| e-texts navigator |
| Wylie |
543b1 ལྡན་འདས་ལས་ཀུ་ཤའི་གྲོང་ཁྱེར་ནས་སྐྱེས་པའི་གྱད་རྣམས་ཀྱིས་དེ་སྐད་ཐོས་ནས་རྨོངས་པར་གྱུར་ཏེ། ཇི་ལྟར་ཡང་འདུ་ཤེས་ཐོབ་པ་དག་ཏུ་གྱུར་ནས་ས་ལ་འགྲེ་ལྡོག་སྟེ།
543b2 འདི་ལྟ་སྟེ། ཤིང་གི་སྡོང་དུ་མ་བཞིན་ནོ། །ཁ་ཅིག་ནི། དཔུང་པ་དག་བསྣོལ་ཏེ་རབ་ཏུ་ངུ་བར་བྱེད་དོ། །ཁ་ཅིག་ནི། སེམས་ཀྱི་སྡུག་བསྔལ་དང་ཀུན་ཏུ་ལྡན་ཞིང་འཁོད་དོ། །ཁ་ཅིག
543b3 ནི|་ཆོས་ཉིད་ཁོ་ན་ལ་རྟོན་པར་བྱེད་དེ། བཅོམ་ལྡན་འདས་ཀྱིས་བདག་ཅག་ལའང་དང་པོ་ཉིད་དུ་འདོད་པ་དང་། སྡུག་པ་དང་། དགའ་བ་དང་། ཡིད་དུ་འོང་བ་ཐམས་ཅད་ལས
543b4 དངོས་པོ་ཐ་དད་པ་དང་། མེད་པར་འབྱུང་བ་དང་། འབྲལ་བ་དང་མི་ལྡན་པ་འབྱུང་བར་འགྱུར་རོ། །ཞེས་གསུངས་སོ་སྙམ་མོ། །དེ་ནས་ཀུ་ཤའི་གྲོང་ཁྱེར་ནས་སྐྱེས་པའི་གྱད་རྣམས་ཐི
543b5 བ་ཨའི་སྐད་ལྟར་སྙན་ཅིང་འཇེབས་པ་རིང་ཞིང་འཇམ་པའི་དབུགས་ཕྱུང་ནས་མཆི་མ་དག་ཕྱུང་སྟེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བཙལ་ནས་ཕྱོགས་གཅིག
543b6 ཏུ་འཁོད་དོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་རྡོ་ཆེན་པོ་ཡངས་པ་དེའི་ཕྱོགས་གཅིག་ཏུ་བཞུགས་སོ། །ཀུ་ཤའི་གྲོང་ཁྱེར་ནས་སྐྱེས་པའི་གྱད
543b7 རྣམས་ཀྱང་རྡོ་ཆེན་པོ་ཡངས་པ་དེ་ཉིད་ཀྱི་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀུ་ཤའི་གྲོང་ཁྱེར་ནས་སྐྱེས་པའི་གྱད་རྣམས་ལ་ཤད་ཀྱིས་སྦྱོང་བ་ལྟར་མཛད
iiif viewer powered by OpenSeadragon
