| e-texts navigator |
| Wylie |
533b1 མཽདྒལ་གྱི་བུ། ས་ཆེན་པོ་བསྒྱུར་བར་འདོད་དམ། དེས་འདི་སྐད་ཅེས་གསོལ་ཏོ། །བཙུན་པ། དོག་ས་ཆེན་པོ་བསྒྱུར་བར་འཚལ་ལགས་སོ། །དེ་ལ་འདི་སྐད་ཅེས་བཀའ་སྩལ་ཏོ། །གནས
533b2 འདིར་གནས་ཏེ་ས་ཆེན་པོ་བསྒྱུར་བར་འདོད་དམ། དེས་འདི་སྐད་ཅེས་གསོལ་ཏོ། །བཙུན་པ། ཁོར་ཡུག་དང་ཁོར་ཡུག་ཆེན་པོ་དག་གི་གནས་སུ་གནས་ཏེ་དོག་ས་ཆེན་པོ་བསྒྱུར་བར
533b3 འཚལ་ལགས་སོ། །དེ་ལ་ཡང་འདི་སྐད་ཅེས་བཀའ་སྩལ་ཏོ། །མཽདྒལ་གྱི་བུ་ས་ཆེན་པོ་བསྒྱུར་བར་འདོད་ན། གང་དག་ས་ལ་བརྟེན་པའི་སེམས་ཅན་དང་། སྲོག་ཆགས་དེ་དག་ཇི
533b4 ལྟར་བྱེད། དེས་འདི་སྐད་ཅེས་གསོལ་ཏོ། །བཙུན་པ། དོག་ས་ཆེན་པོ་བསྒྱུར་བར་འཚལ་ལགས་ཏེ། གང་དག་དོག་ས་ལ་བརྟེན་པའི་སེམས་ཅན་དང་། སྲོག་ཆགས་དེ་དག་ལག་པ
533b5 གཡོན་པས་བླངས་ཏེ་གཟུང་བར་བགྱི་ལགས་སོ། །ལག་པ་གཡས་པས་ནི། ས་ཆེན་པོ་བསྒྱུར་བར་བགྱི་ལགས་སོ། །དེ་ལ་ཡང་འདི་སྐད་ཅེས་བཀའ་སྩལ་ཏོ། །མཽདྒལ་གྱི་བུ་ཆེན
533b6 པོ|་ས་ཆེན་པོ་སྒྱུར་བར་བྱེད་པ་ན་ཇི་ལྟ་བུའི་འདུ་ཤེས་དང་ལྡན་པར་བྱེད། དེས་འདི་སྐད་ཅེས་གསོལ་ཏོ། །བཙུན་པ། ས་ཆེན་པོ་བསྒྱུར་བར་བགྱིད་པ་ན་འདུ་ཤེས་མཆོག་ཏུ
533b7 ཡང་བ་དང་ལྡན་པར་བགྱིད་ལགས་ཏེ། འདི་ལྟ་སྟེ། སྐྱེས་བུ་སྟོབས་དང་ལྡན་པ་ཞིག་ཆུ་ཤིང་གི་འདབ་མ་སྒྱུར་བར་བགྱིད་པ་ན་འདུ་ཤེས་མཆོག་ཏུ་ཡང་བ་དང་ལྡན་པར་བགྱིད
iiif viewer powered by OpenSeadragon
