| e-texts navigator |
| Wylie |
533a1 དེའི་ཚེ་རྩཝ་བི་ར་ན་དང་ལྡན་པ་ན་དཀའ་བ་འབྲོག་དགོན་པ་སློང་མོ་བས་བསོད་སྙོམས་རྙེད་པར་དཀའ་བའི་མུ་གེ་བྱུང་སྟེ། དགེ་སློང་དག་ཀྱང་ཟས་ངན་པས
533a2 ཡོངས་སུ་དུབ་པ་ཡིན་ནོ། །དེ་ནས་དགེ་སློང་མཽདྒལ་གྱི་བུ་ང་ག་ལ་བ་དེར་སོང་སྟེ་ཕྱིན་ནས་ང་ལ་འདི་སྐད་ཅེས་གསོལ་ཏོ། །བཙུན་པ། དེ་ལྟར་ན་རྩཝ་བི་ར་ན་དང་ལྡན་པར་དཀའ་བ
533a3 འབྲོག་དགོན་པ་སློང་མོ་པས་བསོད་སྙོམས་རྙེད་པར་དཀའ་བའི་མུ་གེ་བྱུང་ལགས་ཏེ། དགེ་སློང་དག་ཀྱང་དབྱར་ཟས་ངན་པས་ཡོངས་སུ་དུབ་ལགས་སོ། །བཙུན་པ་བཅོམ་ལྡན
533a4 འདས་ལས་བདག་གིས་མངོན་དུ་ཐོས་ཤིང་མངོན་དུ་བཟུང་ལགས་ཏེ། དོག་ས་ཆེན་པོ་འདི་ལ་དོག་ས་ལས་བྱུང་བའི་རོའི་ཁམས་གྱ་ནོམ་པ་གང་ལགས་པ་དེ་ནི། འོག་ན་གནས
533a5 ལགས་ཤིང་། བདག་ཀྱང་བདག་ཉིད་ཀྱི་ཡང་དག་པར་ཤེས་པ་མཐོང་བ་འཇུག་ལགས་སོ། །དོག་ས་ཆེན་པོ་འདི་ལ་དོག་ས་ལས་བྱུང་བའི་རོའི་ཁམས་གྱ་ནོམ་པ་གང་ལགས
533a6 པ་འདི་ནི། འོག་ན་གནས་པ་ལགས་ཏེ། བཙུན་པ། དེའི་སླད་དུ་དོག་ས་ཆེན་པོ་བསྒྱུར་བར་བདག་འཚལ་ལགས་སོ། །དོག་ས་ཆེན་པོ་འདིའི་འོག་ན་རོའི་ཁམས་གྱ་ནོམ་པ་གང
533a7 ལགས་པ་དེ་སྟེང་ན་མཆིས་པར་བགྱི་ལགས་སོ། །སྟེང་ན་མཆིས་པ་གང་ལགས་པ་དེ་འོག་ན་མཆིས་པར་བགྱི་ལགས་སོ། །དེ་ལ་འདི་སྐད་ཅེས་ཀྱང་ངས་བཀའ་སྩལ་ཏོ། །
iiif viewer powered by OpenSeadragon
