| e-texts navigator |
| Wylie |
531b1 ཚད་བརྒྱད་ཁྲི་འོག་ཏུ་ཆུའི་ནང་དུ་ནུབ་སྟེ། གསེར་ལས་བྱས་པའི་ས་སྟེང་གི་བར་ན་གནས་པ་དེ་གྲོ་གའི་ཤོག་ཤོག་ཙམ་དུ་གྱུར་ལ། གླིང་བཞི་ན་སེམས་ཅན་གྱི་ཁམས་གང་སུ
531b2 དག་ཡོད་པ་ཡི་གེ་པ་རྣམས་ནི། དེ་ཙམ་དུ་གྱུར་ཏེ། ས་ཆེན་པོའི་སྟེང་ན་རྩཝ་དང་། ཤིང་དང་། ཤིང་གི་ཡལ་ག་དང་། ཤིང་གི་དུམ་བུ་གང་ཅིའང་རུང་སྨྱུག་གུ་དག་དེ་ཙམ་དུ་གྱུར་ནས
531b3 གནས་འཇོག་གི་རྒྱུད་དག་། སྣག་ཚའི་ཉིང་ཁུ་རྒྱ་མཚོ་ཆེན་པོ་ཙམ་དང་། གྲོ་གའི་ཤོག་ཤོག་རི་རབ་ཙམ་དང་། ཡི་གེ་པ་དང་གླིང་བཞི་པའི་སེམས་ཅན་གྱི་ཁམས་ཙམ་དང་། སྨྱུ
531b4 གུ་དག་ས་ཆེན་པོའི་སྟེང་ན་རྩཝ་དང་། ཤིང་དང་། ཡལ་ག་དང་། ཤིང་གི་དུམ་བུ་ཙམ་ནི། ཆེས་མྱུར་དུ་ཡོངས་སུ་ཟད་པ་དང་། ཡོངས་སུ་གཏུགས་པར་འགྱུར་གྱི། དགེ་སློང་ཤཱ་རིའི་བུའི
531b5 ཤེས་རབ་ཟད་པར་འགྱུར་བར་ནི། ང་མི་སྨྲའོ། །གནས་འཇོག་གི་རྒྱུད་དག་།དགེ་སློང་ཤཱ་རིའི་བུ་ནི། ཤེས་རབ་ཀྱི་སྟོབས་དེ་ལྟ་བུ་དང་ལྡན་ནོ། །གནས་འཇོག་གི་རྒྱུད་དག། འདི་ལྟ་སྟེ།
531b6 རྣམ་པར་སྣང་བྱེད་ཀྱི་ཉི་མ་དག་ནི། ཀུན་ཏུ་འགྲོ་བ་དང་། ཕྱོགས་སྣང་བར་བྱེད་དོ། །དེ་སྲིད་དུ་སྟོང་གི་འཇིག་རྟེན་ན་ཟླ་བ་སྟོང་དང་། ཉི་མ་སྟོང་དང་། རིའི་རྒྱལ་པོ་རི་རབ་སྟོང་དང་། ཤར
531b7 གྱི་ལུས་འཕགས་སྟོང་དང་། བ་ལང་སྤྱོད་སྟོང་དང་། བྱང་གི་སྒྲ་མི་སྙན་སྟོང་དང་། ཛམྦུའི་གླིང་སྟོང་དང་། རྒྱལ་ཆེན་བཞིའི་རིས་ཀྱི་ལྷ་སྟོང་དང་། སུམ་ཅུ་རྩ་གསུམ་པ་དག་དང་།
iiif viewer powered by OpenSeadragon
