| e-texts navigator |
| Wylie |
523b1 ཕྱོགས་གཅིག་ཤོས་སུ་གཞག་གོ་སྙམ་པ་དང་། དེ་དག་དང་དེ་ཉིད་ལུས་ངལ་ཞིང་ལུས་དུབ་ལ། ལུས་དབྱིབས་སྒུ་བས་ཡིད་སྒྱིད་ལུག་སྟེ། གང་འདི་ཞག་ཉི་ཤུ་རྩ་དགུར་རྩོམ་པ
523b2 བྱས་པ་དེས་ཀྱང་རྡོ་ཆེན་པོ་ཡངས་པ་དེ་ཕྱོགས་དེ་ནས་ཡོངས་སུ་བསྒུལ་བར་ཡང་མ་ནུས་ན། བསྒྲེང་བའམ། འཕང་བར་ལྟ་ག་ལ་ནུས། བཅོམ་ལྡན་འདས་ཀྱིས་བཀའ་སྩལ་པ། གཞོན་ནུ
523b3 དག་། གང་དེ་བཞིན་གཤེགས་པས་རྡོ་ཆེན་པོ་ཡངས་པ་དེ་ཕྱོགས་དེ་ནས་བཏེག་ནས་ཕྱོགས་གཅིག་ཤོས་སུ་འཕང་བར་བྱེད་འདོད་དམ། བཙུན་པ་བཅོམ་ལྡན་འདས། མཆོག་ཏུ་འཚལ་ལགས
523b4 སོ|་|བདེ་བར་གཤེགས་པ། མཆོག་ཏུ་འཚལ་ལགས་སོ། །དེ་ནས་བཅོམ་ལྡན་འདས་བླ་གོས་ཕྲག་པ་གཅིག་ཏུ་གཟར་ཏེ་རྡོ་ཆེན་པོ་ཡངས་པ་དེ་ག་ལ་བ་དེར་གཤེགས་ཏེ་ཕྱིན་ནས
523b5 རྡོ་ཆེན་པོ་ཡངས་པ་དེ་ཞབས་ཀྱི་མཐེ་བོང་གཡས་པས་ཡང་དག་པར་རབ་ཏུ་བསྒུལ་ཏེ། ཡང་དག་པར་རབ་ཏུ་བསྒུལ་ནས་ཀྱང་གཞི་ནས་མ་ལུས་པར་ཕྱུང་སྟེ། ཕྱག་གཡོན་པས
523b6 བླངས་ནས་ཕྱག་གཡས་ཀྱི་མཐིལ་དུ་བཞག་སྟེ་ཡུད་ཙམ་ཞིག་དགོངས་ནས་གྱེན་དུ་ཚངས་པའི་འཇིག་རྟེན་གྱི་བར་དུ་འཕངས་ཏེ་མིག་ལམ་དུ་མི་སྣང་བར་གནས་པར་གྱུར་པ་དང་། དེའི་སྒྲས་གྱད་དག་དངངས་པར་གྱུར་ཏོ།
523b7 །བཅོམ་ལྡན་འདས་ཀྱིས་བཀའ་སྩལ་པ། གནས་འཇོག་གི་རྒྱུད་དག་།མ་འཇིགས་ཤིག་།གྱེན་དུ་འཕངས་པ་ཙམ་གྱིས་ཀྱང
iiif viewer powered by OpenSeadragon
