| e-texts navigator |
| Wylie |
522b1 གིས་ལམ་ཡང་ཤིན་ཏུ་ཕྱག་དར་བྱས་པར་འགྱུར་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མཆོད་པར་འགྱུར་ཏེ། ཕྱོགས
522b2 དང་ཕྱོགས་མཚམས་དག་ཏུ་ཡང་བདག་ཅག་གི་དགེ་བ་རྒྱ་ཆེན་པོ་གྲགས་པ་དང་། སྒྲ་དང་། ཚིགས་སུ་བཅད་པ་མངོན་པར་འཕགས་པར་འགྱུར་བ་ནི། གང་དག་གིས་རྡོ
522b3 ཆེན་པོ་ཡངས་པ་འདི་ཕྱོགས་འདི་ནས་བཏེག་སྟེ་ཕྱོགས་གཅིག་ཤོས་སུ་འཕངས་པས། ཀྱེ་མ་ཀུ་ཤའི་གྲོང་ཁྱེར་གྱི་གྱད་དཔའ་བོ་དག་ཅིག་བྱུང་ངོ་། །ཀྱེ་མ་ཀུ་ཤའི་གྲོང
522b4 ཁྱེར་གྱི་གྱད་རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཆེས་སྟོབས་དང་ལྡན་པ་དག་ཅིག་བྱུང་ངོ་། །ཞེས་ཟེར་གྱི། ཤེས་ལྡན་དག་།དེའི་ཕྱིར་རྡོ་ཆེན་པོ
522b5 ཡངས་པ་འདི་ག་ལ་བར་ཀུན་ཀྱང་ཕྱིར་བྱུང་སྟེ་དེངས་ཤིག་། དེ་བཞིན་ནོ། །ཞེས་སྨྲས་ནས་དེ་དག་དང་དེ་ཉིད་གཅིག་ལ་གཅིག་གི་ལྟར་ཉན་ཏེ། སོ་སོ་ནས་བཞོན་པ་བཟང་པོ
522b6 དག་ལ་ཞོན་ཏེ། བདག་ཅག་ནི། ས་སྟེང་འདི་ན་ཆེས་སྟོབས་དང་ལྡན་པའོ་སྙམ་དུ་རློམ་སེམས་བྱེད་ཅིང་འོངས་པ་དང་། རིགས་དང་། སྟོབས་དང་། ལུས་བྱད་དང་། དབང
522b7 ཕྱུག་གི་རྒྱགས་པས་དྲེགས་ཏེ་སྐད་མཐོན་པོ་དང་། སྐད་ཆེན་པོས་ག་ཞ་བྱེད་ཅིང་ཅ་ཅོ་བྱེད་ལ་དགའ་མགུ་རངས་ཤིང་དགའ་བ་དང་། བདེ་བ་དང་། ཡིད་བདེ་བ་སྐྱེས་ཏེ།
iiif viewer powered by OpenSeadragon
