| e-texts navigator |
| Wylie |
522a1 བཏེག་སྟེ་ཕྱོགས་གང་ཡང་རུང་བར་གཞག་གོ་། དེའི་ཕྱིར་བདག་ཅག་གིས་ལམ་ཡང་ཤིན་ཏུ་ཕྱག་དར་བགྱིས་པར་འགྱུར་ལ། དེ་བཞིན་གཤེགས
522a2 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མཆོད་པར་འགྱུར་ཞིང་། ཕྱོགས་དང་ཕྱོགས་མཚམས་དག་ཏུ་ཡང་བདག་ཅག་གི་དགེ་བ་རྒྱ་ཆེན་པོ་གྲགས
522a3 པ་དང་། སྒྲ་དང་། ཚིགས་སུ་བཅད་པ་མངོན་དུ་འཕགས་པར་འགྱུར་ཏེ། གང་དག་གིས་རྡོ་ཆེན་པོ་ཡངས་པ་དེ་ཕྱོགས་འདི་ནས་བཏེག་སྟེ་ཕྱོགས་གཅིག་ཤོས་སུ་འཕངས
522a4 པས་ཀྱེ་མ་ཀུ་ཤའི་གྲོང་ཁྱེར་གྱི་གྱད་དཔའ་བ་དག་བྱུང་ངོ་། །ཀྱེ་མ་ཀུ་ཤའི་གྲོང་ཁྱེར་གྱི་གྱད་རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཆེས་སྟོབས་དང་ལྡན་པ
522a5 དག་བྱུང་བར་གྱུར་ཏོ། །ཞེས་ཟེར་རོ་སྙམ་ནས་དེ་ལྟར་རྗེས་སུ་རྣམ་པར་བསམས་ཏེ་དམ་བཅའ་བ་ཁས་བླང་བ་དག་ནི། ཤེས་ལྡན་དག་།ཀུ་ཤའི་གྲོང་ཁྱེར་གྱི་གྱད་དག
522a6 དང་། གྱད་ཀྱི་བུ་གཞོན་ནུ་དག་ཉོན་ཅིག་།བདག་ཅག་གིས་ལམ་འདི་ཕྱག་དར་བྱ་བར་བརྩོན་ནོ། །རྡོ་ཆེན་པོ་ཡངས་པ་འདི་ནི། གནས་མ་ཡིན་པ་ན་འདུག་ཅིང་རྒྱལ་པོའི
522a7 ལམ་ན་གནས་ཏེ། གང་འོ་ན་བདག་ཅག་གིས་རྡོ་ཆེན་པོ་ཡངས་པ་འདི་ཕྱོགས་འདི་ནས་བཏེག་སྟེ་ཕྱོགས་གཅིག་ཤོས་སུ་གཞག་པར་བྱའོ། །དེའི་ཕྱིར་བདག་ཅག
iiif viewer powered by OpenSeadragon
