| e-texts navigator |
| Wylie |
520a1 བ་ལང་སྔོན་པོའི་གཙོ་བོ་དང་། ཁྱུ་མཆོག་དང་། གླང་པོ་ཆེ་དང་། སྤོས་ཀྱི་གླང་པོ་ཆེ་བརྒྱ་ཕྲག་དུ་མ་ཁྲིད་ནས་རྡོ་ཆེན་པོ་ཡངས་པ་འདི་ག་ལ་བ་དེར
520a2 སོང་སྟེ་ཕྱིན་ནས་རྡོ་ཆེན་པོ་ཡངས་པ་དེ་རྩིད་པའི་ཐག་པ་སྲ་བས་ལན་མང་དུ་དཀྲིས་ནས་ཁ་ཅིག་གིས་ནི། སྐས་བཅས་ཏེ་རྩཝ་མུན་ཛ་དང་། བལ་བ་ཛའི་ཐག་པ་དང་། རྟས
520a3 འདྲེན་པའི་ཐག་པ་དག་གིས་ཚུར་འདྲེན་པར་བྱེད། ཕར་འདྲེན་པར་བྱེད་དོ། །ཁ་ཅིག་ནི། ཐོང་ལྕགས་བརྒྱས་གཞི་ནས་འབྱིན་པར་འདོད་དོ། ཁ་ཅིག་ནི། དགྲ་སྟ་དག
520a4 གིས་གཅོད་པར་འདོད་དོ། ཁ་ཅིག་ནི། རྡོ་རྗེས་གདབ་པ་དག་གིས་ཕྱེ་མར་བྱ་བར་འདོད་དོ། ཁ་ཅིག་གིས་ནི། ལུས་ཀྱི་སྟོབས་ཀྱིས་མཆུ་དག་བསྡམས་ཏེ་ཡོངས་སུ
520a5 བསྐྱོད་པར་འདོད་དོ། ཁ་ཅིག་ནི། ཁྱུ་མཆོག་དག་དང་། བ་ལང་གི་གཙོ་བོ་དག་གིས་བསྒྱེལ་བར་འདོད་དོ། ཁ་ཅིག་ནི། བ་ལང་ཁྱུའི་སྟོབས་ཀྱིས་རབ་ཏུ་གཞོམ་པར
520a6 འདོད་དོ། ཁ་ཅིག་ནི། སྨན་གྱི་མཐུས་གཞིག་པར་འདོད་དོ། ཁ་ཅིག་ནི། སྔགས་ཀྱི་མཐུས་མི་སྣང་བར་བྱ་བར་འདོད་དེ། དེའི་ཕྱིར་བརྩོན་པ་དང་། དྲང་བ་དང་། འབད་པ
520a7 དེ་ལྟ་བུས་དེ་དག་གིས་ཅི་ཕྱོགས་འདི་ནས་བཏེག་སྟེ་ཕྱོགས་གཅིག་གཅིག་ཏུ་གཞག་གོ་སྙམ་པ་དང་། དེ་དག་ལུས་ངལ་ཞིང་ལུས་དུབ་ལ་ལུས་སྒྲུབ་ལ་རབ་ཏུ་འབད་པས་སྒྱིད
iiif viewer powered by OpenSeadragon
