| e-texts navigator |
| Wylie |
474b1 གཉིས་སུ་ཡུལ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་བཀའ་སྩལ་པ། རྒྱལ་པོ་ཆེན་པོ། ཇི་སྙམ་དུ་སེམས། གཟུགས་རྟག་པ་ཞིག་གམ། མི་རྟག་པ་ཞིག་ཡིན་སྙམ།
474b2 རྒྱལ་པོས་གསོལ་པ། བཙུན་པ། དེ་ནི། མི་རྟག་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། གང་མི་རྟག་པ་དེ་སྡུག་བསྔལ་བ་ཞིག་གམ། སྡུག་བསྔལ
474b3 བ་མ་ཡིན། རྒྱལ་པོས་གསོལ་པ། བཙུན་པ། དེ་ནི། སྡུག་བསྔལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། འོ་ན་གང་མི་རྟག་པ་དང་། སྡུག་བསྔལ་བ་དང་།
474b4 རྣམ་པར་འགྱུར་བའི་ཆོས་ཅན་དེ་ལ་འཕགས་པ་ཉན་ཐོས་ཐོས་པ་དང་ལྡན་པ་དག་འདི་ནི། བདག་གིའོ། །འདི་ནི་བདག་གོ་།འདི་ནི། བདག་གི་བདག་གོ་།ཞེས་བདག་ཏུ་ཁས་ལེན་པར
474b5 བྱེད་དམ། རྒྱལ་པོས་གསོལ་པ། བཙུན་པ། མི་བགྱིད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ
474b6 བྱེད་རྣམས་དང་། རྣམ་པར་ཤེས་པ་རྟག་པ་ཞིག་གམ། མི་རྟག་པ་ཞིག་ཡིན་སྙམ་མམ། རྒྱལ་པོས་གསོལ་པ། བཙུན་པ། དེ་ནི། མི་རྟག་པ་ལགས་སོ། །བཅོམ་ལྡན་འདས་ཀྱིས
474b7 བཀའ་སྩལ་པ། རྒྱལ་པོ་ཆེན་པོ། གང་མི་རྟག་པ་དེ་སྡུག་བསྔལ་བ་ཞིག་གམ། སྡུག་བསྔལ་བ་མ་ཡིན། རྒྱལ་པོས་གསོལ་པ། བཙུན་པ། དེ་ནི། སྡུག་བསྔལ་བ་ལགས་སོ། །བཅོམ
iiif viewer powered by OpenSeadragon
