| e-texts navigator |
| Wylie |
444b1 ལ་བསྒོ་བ་ཡང་དེ་འདྲའོ། །ཇི་ལྟ་བ་དེ་བཞིན་དུ་ཕ་ཡང་དེ་དང་འདྲའོ། །མར་འདུ་ཤེས་པས་མ་གསད་པར་བྱའོ་སྙམ་སྟེ། ཉེ་དུ་མ་ཡིན་པའི་བུད་མེད་བསད་ན་དེ་ཅི་མཚམས་མེད་པའི་ལས་དང་ལྡན་པར
444b2 འགྱུར་རམ། འོན་ཏེ་མི་འགྱུར་ཞེ་ན། སྨྲས་པ། ལྡན་པར་ནི། མི་འགྱུར་རོ། །ཉེ་དུ་མ་ཡིན་པའི་བུད་མེད་དུ་འདུ་ཤེས་པས། ཉེ་དུ་མ་ཡིན་པའི་བུད་མེད་གསད་པར་བྱའོ་སྙམ་པ་ལས་མ་བསད་པར་གྱུར་ན།
444b3 དེ་ཅི་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་ལྡན་པར་མི་འགྱུར་ཞེ་ན། སྨྲས་པ། ལྡན་པར་མི་འགྱུར་རོམ། །ཉེ་དུ་མ་ཡིན་པའི་བུད་མེད་མ་ཡིན་པར་འདུ་ཤེས་པས་ཉེ་དུ་མ་ཡིན་པའི་བུད
444b4 མེད་བསད་ན། དེ་ཅི་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་མི་འགྱུར་ཞེ་ན། སྨྲས་པ། གལ་ཏེ་དགྲ་བཅོམ་མ་བསད་པར་གྱུར་ན་ནི། དེ་ལྡན་པར་འགྱུར་རོ། །དེ་ལྟ་མ་ཡིན་པ་ནི། མི
444b5 འགྱུར་རོ། །མར་འདུ་ཤེས་པས་མ་ཉིད་བསད་ན། དེ་ཅི་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་མི་འགྱུར་ཞེ་ན། སྨྲས་པ། མཚམས་མེད་པའི་ལས་དང་ལྡན་པར་འགྱུར་རོ། །མ་ཇི
444b6 ལྟ་བ་བཞིན་དུ་པ་ཡང་དེ་དང་འདྲའོ། །སྤྱི་སྡོམ་ནི། ཆེད་དུ་བྱས་དང་རྩ་བ་དང་། །རྒྱུ་མེད་པ་དང་ཆུང་ངུ་དང་། །ལས་དང་ཡང་དག་མ་བསྣམས་པ། །དེ་ཡི་གཞི་དང་སུམ་ཅུ་དྲུག་།འདས་པའི་རྒྱུ
444b7 ལས་བྱུང་བ་དང་། །རྩ་བ་ཟད་དང་ཚེ་ཟད་པའོ། །ཆོས་མངོན་པ་ལས་གདགས་པ་བཤད་པ་ཚིགས་བཅུ་གཅིག་པ་སྟེ། ལས་གདགས་པ་བཤད་པ་གསུམ་པ་རྫོགས་སོ།། །།
iiif viewer powered by OpenSeadragon
