| e-texts navigator |
| Wylie |
443a1 སྤྱོད་པར་བྱེད་དོ། །ཞེས་ཟེར་ན་ནི། སྐྱེས་བུ་གང་ཟག་འདིས་ཉམས་སུ་མྱོང་བ་ཅི་ཡང་རུང་བ་དེ་དག་ཐམས་ཅད་སྔོན་བྱས་པའི་རྒྱུ་ལས་བྱུང་བ་ཡིན་ནོ། །ཞེས་མ་ཟེར
443a2 ཅིག་། སྐྱེས་བུ་གང་ཟག་འདིས་ཉམས་སུ་མྱོང་བ་ཅི་ཡང་རུང་བ་དེ་དག་ཐམས་ཅད་ནི། སྔོན་བྱས་པའི་རྒྱུ་ལས་བྱུང་བ་ཡིན་ཏེ། བདག་ཅག་ཚེ་འདི་ལ་བརྩལ་བའི་ཕྱིར་དཀའ་ཐུབ་སྤྱོད
443a3 པར་བྱེད་དོ། །ཞེས་བྱར་ནི། མི་རུང་ངོ་། །དེ་དག་འདི་སྐད་དུ། བདག་ཅག་གི་རྣམ་པར་སྨིན་པའི་ཡང་རྣམ་པར་སྨིན་པ་ཉམས་སུ་མྱོང་བར་བྱེད་དོ། །ཞེས་ཟེར་ན་ཡང་། དེ་དག་ལ་འདི
443a4 སྐད་དུ་ཅི་གཅེར་བུ་པ་ཁྱེད་ལ་དག་པར་འགྱུར་བ་ཡོད་དམ། གྲོལ་པར་འགྱུར་བ་ཡོད་དམ། མྱ་ངན་ལས་འདའ་བར་འགྱུར་བ་ཡོད་དམ་ཞེས་བྱའོ། །དེ་དག་འདི་སྐད་དུ་ཚེ་དང་ལྡན
443a5 པ་བདག་ཅག་ལ་དག་པར་འགྱུར་བ་ཡང་ཡོད། གྲོལ་བར་འགྱུར་བ་ཡང་ཡོད། མྱ་ངན་ལས་འདའ་བར་འགྱུར་བ་ཡང་ཡོད་དོ། །ཞེས་ཟེར་ན་ནི། དེ་དག་ལ་འདི་སྐད་ཅེས་བྱ་སྟེ། གཅེར
443a6 བུ་པ་རྣམས་ཉོན་ཅིག་། དེ་ལྟ་ན་བདག་ཅག་ནི། རྣམ་པར་སྨིན་པའི་ཡང་རྣམ་པར་སྨིན་པ་ཉམས་སུ་མྱོང་བར་བྱེད་དེ། བདག་ཅག་ལ་དག་པར་འགྱུར་བ་ཡང་ཡོད། གྲོལ་བར་འགྱུར
443a7 བ་ཡང་ཡོད། མྱ་ངན་ལས་འདའ་བར་འགྱུར་བ་ཡང་ཡོད་དོ། །ཞེས་མ་ཟེར་ཅིག་།དེ་སྐྱེ་ཁྱེད་ད་ལྟར་བདག་ཅག་ལ་དག་པར་འགྱུར་བ་ཡང་ཡོད། གྲོལ་བར་འགྱུར་བ་ཡང་ཡོད། མྱ
iiif viewer powered by OpenSeadragon
