| e-texts navigator |
| Wylie |
441a1 དང་། འབད་པ་བྱས་ན་རྒྱུན་དུ་ཞུགས་པའི་འབྲས་བུ་ཐོབ་པ་དང་། ལན་གཅིག་ཕྱིར་འོང་བ་དང་། ཕྱིར་མི་འོང་བ་དང་། འབྲས་བུའི་མཆོག་དགྲ་བཅོམ་པ་ཉིད
441a2 ཐོབ་བ་འདི་ནི། བསྒྱུར་དུ་རང་བའོ། །གང་ལས་ཡོངས་སུ་སྨིན་ཟིན་པ་དེ། བརྩལ་བའི་རྒྱུའམ། བརྩོན་པའི་རྒྱུས་གཞན་དུ་བསྒྱུར་དུ་རུང་བའི་གནས་དེ་ལྟ་བུར་བསྒྱུར་དུ་རུང་ངམ། འོན་ཏེ
441a3 གནས་དེ་ལྟ་བུར་བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་མི་རུང་ངོ་། །ལས་ནི། གསུམ་སྟེ་གསུམ་གང་ཞེ་ན། ཚེ་འདི་ལ་མྱོང་བར་འགྱུར་བ་དང་། སྐྱེས་ནས་མྱོང
441a4 བར་འགྱུར་བ་དང་། ལན་གྲངས་གཞན་ལ་མྱོང་བར་འགྱུར་བའོ། །ཚེ་འདི་ལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་སྐྱེས་ནས་མྱོང་བར་འགྱུར་བ་དང་། ལན
441a5 གྲངས་གཞན་ལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བར་འགྱུར་བ་ཡོད་དོ། །དེ་ཡང་དགྲ་བཅོམ་པ་ཉིད
441a6 ཐོབ་པ་ན། ལས་དེའི་རྣམ་པར་སྨིན་པ་མངོན་དུ་འབྱུང་ཞིང་འོང་བར་འགྱུར་བའི་ཕྱིར་རོ། །སྐྱེས་ནས་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མ་མྱོང་བར་ཚེ་འདི་ལ་མྱོང
441a7 བར་འགྱུར་བ་དང་། ལན་གྲངས་གཞན་ལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བར་འགྱུར་བ་ཡོད་དེ།
iiif viewer powered by OpenSeadragon
