| e-texts navigator |
| Wylie |
65b1 དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །ཁྱོད་ཀྱིས་མ་ཡེངས་ཡིད་བྱེད་ཀྱིས། །རྟག་ཏུ་རྒྱལ་བ་དེ་དྲན་ཞིང་། །རྟག་ཏུ་བྱམས་པའི་སེམས་བྱོས་དང་། །ཁྱོད་ལ་འཇིགས་པ་འབྱུང
65b2 མི་འགྱུར་། གཞོན་ནུ། འོག་གི་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་དགུ་ཁྲི་ཉིས་སྟོང་འདས་པ་ན་འཇིག་རྟེན་གྱི་ཁམས་ཡོན་ཏན་ཐམས་ཅད་ཀྱིས་བརྒྱན
65b3 པ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་པོ་སེམས་བསྐྱེད་ཐེ་ཚོམ་གཅོད་མཛད་ཉོན་མོངས་བསྐྱོད་ཅེས་བྱ་བ་དེ
65b4 ལྟར་བཞུགས་ཏེ་འཚོ་ཞིང་གཞེས་སོ། །གཞོན་ནུ། ཁྱོད་ཀྱིས་དེ་བཞིན་གཤེགས་པ་དེ་ལ་བྱ་བ་རྩོམ་པ་ཐམས་ཅད་དང་། འགྲེང་ཡང་རུང་། འདུག་ཀྱང་རུང་། འཆག་ཀྱང་རུང་སྟེ། སྤྱོད
65b5 ལམ་ཐམས་ཅད་དུ་ཕྱག་འཚོལ་ཅིག་། ཡིད་ལ་བྱོས་ཤིག་དང་། སེམས་ཅན་རྣམས་ལ་བྱམས་པའི་སེམས་དང་། ཕན་པའི་སེམས་སྒྲུབས་ཤིག་དང་། གཞོན་ནུ། ཁྱོད་ལ་འཇིགས་པ
65b6 འབྱུང་བར་མི་འགྱུར་ཞིང་། དགོས་པ་ཐམས་ཅད་ཀྱང་འབད་མི་དགོས་པར་འགྲུབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །
65b7 བྱ་བ་ཀུན་ལ་ཉིན་མཚན་དུ། །སངས་རྒྱས་དེ་ནི་དྲན་བྱ་ཞིང་། །བྱང་ཆུབ་སེམས་ཀྱང་མ་གཏང་དང་། །ཁྱོད་ལ་འཇིགས་པ་འབྱུང་མི་འགྱུར། །གཞོན་ནུ། ཁྱོད་ཀྱིས་དེ་བཞིན་གཤེགས་པ་དགྲ
iiif viewer powered by OpenSeadragon
