| e-texts navigator |
| Wylie |
64a1 དེས་དང་པོ་ཐུགས་བསྐྱེད་པ་ནས་བཟུང་སྟེ། སངས་རྒྱས་པ་ཉིད་ཀྱི་བར་དུ་བར་ཆད་མེད་པར་སྦྱིན་པ་བྱིན། ཚུལ་ཁྲིམས་བསྲུངས། བཟོད་པ་ཀུན་ཏུ
64a2 བསྟེན། བརྩོན་འགྲུས་བརྩམས། བསམ་གཏན་བསྒྲུབས། ཤེས་རབ་སྤྱད་དེ། གཞོན་ན། དེ་ནི་དེ་བཞིན་གཤེགས་པ་དེའི་སྐྱེས་བུའི་རྩལ་དེ་ལྟ་བུ་བྱུང་བ་ཡིན་ནོ། །གཞོན་ནུ།
64a3 ཁྱོད་གང་གི་ཚེ་བྱ་བ་འགའ་ཞིག་གི་ཕྱིར་ཤར་ལྷོའི་ཕྱོགས་སུ་འགྲོ་ན། དེའི་ཚེ་ཁྱོད་ཀྱིས་དེ་བཞིན་གཤེགས་པ་དེ་ལ་ཡན་ལག་ལྔས་ཕྱག་བཙལ་ཏེ། ཕྱིས་ཁྱིམ་ནས་སོང་ཞིག
64a4 དང་|་ཁྱོད་ལ་ཕྱིས་འགྱོད་པའམ། འཇིགས་པ་གང་ནས་ཀྱང་འབྱུང་བར་མི་འགྱུར་རོ། །རྣམ་པར་མ་གཡེངས་པས་ཡིད་ལ་བྱེད་ན། ཁྱོད་བྱ་བ་གང་གི་ཕྱིར་འགྲོ་བའི་བྱ་བ་དེ་འགྲུབ
64a5 པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །ཡན་ལག་ལྔས་ནི་ཕྱག་བཙལ་ཏེ། །ཕྱི་ནས་ཁྱིམ་ནས་སོང་ཞིག་དང་། །ཆོམ
64a6 རྐུན་རྣམས་ཀྱིས་ཁྱོད་ཀུན་ཏུ། །ཟིལ་གྱིས་མི་ནོན་འགྲོ་བར་འགྱུར། །གཞོན་ནུ། ལྷོ་ནུབ་ཀྱི་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་སུམ་ཁྲི་འདས་པ་ན
64a7 འཇིག་རྟེན་གྱི་ཁམས་གསེར་གྱི་དྲ་བས་གཡོགས་པ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་གདུགས
iiif viewer powered by OpenSeadragon
