| e-texts navigator |
| Wylie |
62b1 ལྷོ་ཕྱོགས་སུ་ནི་འགྲོ་བ་ན། །ཁྱོད་ལ་འཇིགས་པ་འབྱུང་མི་འགྱུར། །གཞོན་ནུ། ནུབ་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་འདས་པ་ན
62b2 འཇིག་རྟེན་གྱི་ཁམས་ཡུལ་ཕེབས་པ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཁོ་ན་དང་། རྒྱགས་པ་རྣམ་པར་གནོན་པ་ཞེས
62b3 བྱ་བ་ད་ལྟར་བཞུགས་ཏེ་འཚོ་ཞིང་གཞེས་སོ། །གཞོན་ནུ། ཁྱོད་གང་གི་ཚེ་བྱ་བ་འགའ་ཞིག་གི་ཕྱིར་ནུབ་ཕྱོགས་སུ་འགྲོ་ན་དེའི་ཚེ་ཁྱོད་ཀྱིས་དེ་བཞིན་གཤེགས་པ་དེ་ལ་ཕྱག་བཙལ་ཏེ་དྲན
62b4 པར་བྱས་ཤིང་མདུན་དུ་བྱས་ནས་སེམས་ཀྱི་རྒྱུན་གྱིས་དེ་མངོན་དུ་བྱེད་ཅིང་ཟག་པ་མེད་པ་དང་། རྣམ་པར་མ་གཡེངས་པ་དང་། དྲན་པས་ཁྱོད་སོང་ན་ཁྱོད་ལ་འཇིགས་པ་གང་ནས་ཀྱང
62b5 འབྱུང་བར་མི་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །ཆོས་འགའ་སྐྱེས་པ་ཡོད་མིན་ཞིང་། །འགའ་ཡང་འགག་པར་མི་འགྱུར
62b6 ཏེ|་|གང་གིས་ཆོས་རྣམས་དེ་ལྟར་ཤེས། །དེ་ལ་འཇིགས་པ་ཅི་ཡང་མེད། །གཞོན་ནུ། བྱང་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་བྱེ་བ་ཕྲག་སྟོང
62b7 འདས་པ་ན་འཇིག་རྟེན་གྱི་ཁམས་སངས་རྒྱས་ཀྱི་སྤོབས་པ་ཅན་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན
iiif viewer powered by OpenSeadragon
