| e-texts navigator |
| Wylie |
62a1 དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །རྫོགས་པའི་སངས་རྒྱས་ཐུབ་པ་ཆེ། །རྗེ་ལ་རབ་ཏུ་ཕྱག་བཙལ་ཏེ། །རྟག་ཏུ་དེ་ན་མངོན་བྱེད་ཅིང་། །འགྲོ་ན
62a2 ཁྱོད་ལ་འཇིགས་མི་འབྱུང་། །གཞོན་ནུ། ལྷོ་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་དགུ་ཁྲི་འདས་པ་ན། འཇིག་རྟེན་གྱི་ཁམས་མུན་པ་དང་། མུན་ནག་གི
62a3 ཚོགས་བཅོམ་པ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེམས་དང་པོ་བསྐྱེད་པ་ཡིད་ལ་མཛད་པ་རྣམ་གྲངས་བསྙེངས
62a4 པ་དང་|་བག་ཚ་བ་དང་བྲལ་བས་མངོན་པར་འཕགས་པའི་རྒྱལ་པོ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་སོ། །གཞོན་ནུ། ཁྱོད་གང་གི་ཚེ་བྱ་བ་འགའ་ཞིག་གི་ཕྱིར་ལྷོ་ཕྱོགས་སུ
62a5 འགྲོ་ན། དེའི་ཚེ་ཁྱོད་ཀྱིས་དེ་བཞིན་གཤེགས་པ་དེ་ལ་ཕྱག་བཙལ་ཏེ་དྲན་པར་བྱས་ཤིང་མདུན་དུ་བྱས་ཏེ། སེམས་ཀྱི་རྒྱུན་གྱིས་དེ་མངོན་དུ་བྱེད་ཅིང་། ཁྱིམ་ལ་སོགས་པའི་ཡིད
62a6 ལ་བྱེད་པ་དང་བྲལ་བ་རྣམ་པར་མ་གཡེངས་པ་ཡིད་ལ་བྱེད་པས་སོང་ན། ཁྱོད་བྱ་བ་གང་གི་ཕྱིར་འགྲོ་བའི་བྱ་བ་དེ་འགྲུབ་པར་འགྱུར་ཞིང་། ཁྱོད་ལ་འཇིགས་པ་གང་ནས་ཀྱང
62a7 འབྱུང་བར་མི་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །ཁྱིམ་གྱི་བསམ་པ་རྣམས་དང་ནི། །ཀུན་ནས་ལྡང་བ་ཀུན་བྲལ་ཞིང་། །
iiif viewer powered by OpenSeadragon
