| e-texts navigator |
| Wylie |
57a1 གསུམ་གྱི་དབང་གིས་ལུས་དང་། ངག་དང་། ཡིད་ཀྱི་སྒོ་ནས་མི་དགེ་བ་བཅུ་དང་། མཚམས་མེད་པ་ལྔ་ལ་སོགས་ཏེ། གསུང་རབ་ཀུན་ལས་འགལ་བའི
57a2 སྡིག་པ་མི་དགེ་བའི་ལས་བདག་གིས་ཅི་བགྱིས་པ་དང་། གཞན་ལ་བཅོལ་བ་དང་། གཞན་བགྱིད་པ་ལ་རྗེས་སུ་ཡི་རང་བ་དེ་དག་རྡུལ་ཙམ་བག་ཙམ་ཡང་མ་ལུས་པར་མཐོལ་ཞིང་བཤགས
57a3 སོ|་|སྦྱངས་ཞིང་བསལ་ཏོ། །གཞིག་ཅིང་གདོན་ཏོ། །མི་འཆབ་བོ། །མི་སྦེད་དོ། །མི་བསྙེན་མི་བགྱིད་དོ། །དེ་ནས་དེའི་ཚེ་སྡིག་པ་ཐམས་ཅད་ནི་བྱང་། བསོད་ནམས་ཐམས་ཅད་ནི་རྫོགས
57a4 ཏེ|་དུས་འདི་ནས་ནམ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ། དགོངས་པའི་དབང་གིས་ཆེད་དུ་སྤྲུལ་པ་མ་གཏོགས་པར་ནམ་ནམ་ཞར་ཞར་ཚེ་ཚེ་རབས་རབས་སུ་ངན་སོང་གསུམ
57a5 ལ་སོགས་ཏེ། བགེགས་རིགས་ཐམས་ཅད་དུ་མི་སྐྱེ་ཞིང་མི་ལྟུང་བར་ཤོག་ཅིག། ལོག་པ་མི་དགེ་བའི་ལས་ལ་མི་ཕྱོགས་མི་བགྱིད་པར་ཤོག་ཅིག། ལས་དང་། ཉོན་མོངས་པའི
57a6 རྒྱུ་ལ་མི་ཕྱོགས་མི་བགྱིད་པར་ཤོག་ཅིག་། སྨད་པའི་ལུས་དང་། སྡུག་བསྔལ་གྱི་འབྲས་བུ་ཀུན་ལས་ཐར་ནས་ཕྱིན་ཆད་མི་མྱོང་བར་ཤོག་ཅིག་།དུས་འདི་ནས་ནམ་བྱང་ཆུབ་ཀྱི་སྙིང
57a7 པོ་ལ་མཆིས་ཀྱི་བར་དུ་སྒོ་གསུམ་ནས་དགེ་བ་ཆུ་བོའི་རྒྱུན་བཞིན་དུ་རྒྱུན་མི་འཆད་པར་ཤོག་ཅིག་། ཚེ་རབས་གར་སྐྱེ་ས་ཀྱང་བདེ་སྐྱིད་ཕུན་སུམ་ཚོགས་པ་དང་ལྡན་ཏེ་སེམས་ཅན
iiif viewer powered by OpenSeadragon
