| e-texts navigator |
| Wylie |
53a1 པ་ཞེས་བྱ་བ། ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་དུས་གསུམ་དུ་གཤེགས་ཤིང་བཞུགས་པའི་སངས་རྒྱས་དང་། བྱང་ཆུབ
53a2 སེམས་དཔའ་འཁོར་དང་བཅས་པ་རབ་འབྱམས་མ་ལུས་པའི་དཀོན་མཆོག་ཐམས་ཅད་ལ་གུས་པས་ཕྱག་འཚལ་ལོ། །ཕྱོགས་བཅུའི་སངས་རྒྱས་ཐམས་ཅད་ལ་ཕྱག་འཚལ་ལོ། །
53a3 ཤར་ཕྱོགས་ཀྱི་སངས་རྒྱས་རིན་ཆེན་འབྱུང་གནས་དེ་བཞིན་གཤེགས་པ་ལ་ཕྱག་འཚལ་ལོ། །ལྷོ་ཕྱོགས་ཀྱི་སངས་རྒྱས་མྱ་ངན་མེད་པའི་དཔལ་དེ་བཞིན་གཤེགས་པ་ལ་ཕྱག
53a4 འཚལ་ལོ། །ནུབ་ཕྱོགས་ཀྱི་སངས་རྒྱས་རིན་ཆེན་འོད་འཕྲོ་དེ་བཞིན་གཤེགས་པ་ལ་ཕྱག་འཚལ་ལོ། །བྱང་ཕྱོགས་ཀྱི་སངས་རྒྱས་རྒྱལ་བའི་དབང་པོ་དེ་བཞིན་གཤེགས་པ་ལ
53a5 ཕྱག་འཚལ་ལོ། །བྱང་ཤར་མཚམས་ཀྱི་སངས་རྒྱས་ཏིང་ངེ་འཛིན་གྱི་གླང་པོ་དམ་པའི་དཔལ་དེ་བཞིན་གཤེགས་པ་ལ་ཕྱག་འཚལ་ལོ། །ཤར་ལྷོ་མཚམས་ཀྱི་སངས་རྒྱས
53a6 པདྨོ་དམ་པའི་དཔལ་དེ་བཞིན་གཤེགས་པ་ལ་ཕྱག་འཚལ་ལོ། །ལྷོ་ནུབ་མཚམས་ཀྱི་སངས་རྒྱས་ཉི་མའི་དཀྱིལ་འཁོར་སྣང་བ་དམ་པའི་དཔལ་དེ་བཞིན་གཤེགས་པ་ལ་ཕྱག
53a7 འཚལ་ལོ། །ནུབ་བྱང་མཚམས་ཀྱི་སངས་རྒྱས་གདུགས་དམ་པའི་དཔལ་དེ་བཞིན་གཤེགས་པ་ལ་ཕྱག་འཚལ་ལོ། །འོག་གི་ཕྱོགས་ཀྱི་སངས་རྒྱས་པདྨོའི་དཔལ་དེ་བཞིན
iiif viewer powered by OpenSeadragon
