| e-texts navigator |
| Wylie |
169a1 བཞིན་མ་འཚལ་བ་དང་། སྐྱེས་བུ་དམ་པ་དང་ཕྲད་པ་དང་། དམ་པའི་ཆོས་ཉན་པ་དང་། ཚུལ་བཞིན་ཡིད་ལ་བགྱིད་པ་དང་། ཆོས་དང་མཐུན་པའི་ཆོས་སྒྲུབ་པ་མི
169a2 སྒྲུབ་པར་འགྱུར་བ་དང་། སྒྲིབ་པ་གང་གིས་བསྒྲིབས་ཤིང་གཡོགས་ཏེ། ཀུན་ནས་དཀྲིས་པ་རྣམས་སེམས་ཅན་འདུལ་བ་དང་། བདག་འདུལ་བ་དང་། གཞན་འདུལ་བ་དང་། གཉི་ག
169a3 འདུལ་བ་དང་། འཇམ་པོས་འདུལ་བ་དང་། ཁྲོ་བས་འདུལ་བ་དང་། བཏང་སྙོམས་ཀྱིས་འདུལ་བ་དང་། བསྡིགས་པས་འདུལ་བ་དང་། བསྐྲད་པས་འདུལ་བ་དང་། སྨད་པས་འདུལ་བ་དང་།
169a4 བསྟེན་པ་དང་། བསྙོན་པ་དང་། བསྙེན་བཀུར་བྱ་བས་འདུལ་བ་དང་། ཆོས་བཤད་པས་འདུལ་བ་དང་། འཛུམ་པ་བསྟན་པས་འདུལ་བ་དང་། ནང་དུ་ཡང་དག་འཇོག་གིས་འདུལ་བ་དང་།
169a5 སྦྱངས་པའི་ཡོན་ཏན་དང་། ཡོ་བྱད་བསྙུངས་པས་འདུལ་བ་དང་། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན
169a6 པ་སྤྱོད་པས་འདུལ་བ་དང་། དད་པ་དང་། ཚུལ་ཁྲིམས་དང་། ཐོས་པ་དང་། གཏོང་བ་དང་། ཤེས་རབ་དང་། སྒོམས་པས་འདུལ་བ་དང་། དུལ་བ་གང་དང་། གང་གིས་སེམས་ཅན་གྱི་སེམས
169a7 འདུལ་བར་འགྱུར་བ་དེ་ཡང་དག་པ་ཇི་ལྟ་བ་བཞིན་མ་འཚལ་བ་དང་། ཚུལ་ཁྲིམས་ཀྱི་རྒྱུ་མི་འབྱུང་བ་དང་། ཏིང་ངེ་འཛིན་གྱི་རྒྱུ་དང་། དམིགས་པའི་རྒྱུ་དང་། བསམ་གཏན་གྱི་རྒྱུ་དང་། ཞི
iiif viewer powered by OpenSeadragon
